BASES DE LA CONVOCATORIA DE BECA D’INVESTIGACIÓN Y PERIODISMU SIDRERU.

La Fundación Asturies XXI aprueba la convocatoria d’ayuda d’una beca destinada a escritores asturianos, pa realizar práctiques formatives en redacciones de la Revista La Sidra, demientres un periodu máximu de dos años. L’oxetivu d’estes beques céntrase en fomentar la especialización práctica n’investigación y periodismu nel ámbitu de la sidra (producción, consumu, historia, cultura venceyada…)
1. CARACTERÍSTIQUES DE LA CONVOCATORIA
1.1. Los candidatos podrán presentar la so solicitú hasta’l 25 de marzu de 2009.
1.2. A partir de la fecha citada nel apartáu anterior, realizaránse procesos de seleición.
1.3. Demientres esi período, la FUNDACIÓN mantendrá les solicitudes de los candidatos, con esceición d’aquellos en quienes concurra dalguna de les circustancies siguientes:
o Nun cumplir con dalgún de los requisitos establecíos na Convocatoria.
o Nun ser preseleccionáu pa la realización de les pruebes.
o Rechazar la citación pa la realización de les pruebes de selección o nun presentase nelles, quitando qu’estes circunstancies se debieren a causes xustificaes, llibremente apreciaes pol Xuráu.
o Nun algamar la calificación de “aptu” en dalgún de los procesos.
2. CARACTERÍSTIQUES DE LA BECA
2.1. Duración. La beca tendrá una duración mínima de dos meses y másima de dos años.
2.2. Distribución xeográfica. La llabor del becariu llevaráse a cabu n’Asturies, pudiendo facese desplazamientos a otros países con produición sidrera.
2.3. Beneficios del Programa. La consideración de becariu d’esti Programa inclúi una dotación integrada por:
o Una asignación mensual de 800 euros.
2.4. “Status” xurídicu de los Beneficiarios. El “status” xurídicu de los beneficiarios d’estes beques sedrá el de becarios de la Fundación Asturies XXI, sin que comporte la esistencia d’un vínculu llaboral ente’l becariu y la empresa.
2.5. Incompatibilidades. El disfrute d’una d’estes beques ye incompatible cola realización por parte del becariu de cualaquier trabayu, ya sea por cuenta propia o ayena y/o cualaquier otru tipu de beca de característiques asemeyaes.
3. REQUISITOS DE LOS CANDIDATOS
3.1. Ser asturianu/a.
3.2. Presentar, nel plazu previstu, la solicitú acompañada de:Fotocopia del DNI y NIF.Fotocopia de certificaciones académiques.Currículum vitae y documentación xustificativa.
3.3. Altu nivel del idioma asturianu.
3.4. Altu nivel del idioma inglés. Valoraránse conocimientos d’otros idiomes.
3.5. Informática a nivel d’usuariu.
4. PROCESU DE SELEICIÓN
4.1 La forma en que se realizará’l procesu de seleición será la siguiente:
4.1.1 Serán escluyíos los candidatos que no reúnan los requisitos señalaos nel apartáu 3 y aquéllos cuyes solicitúes nun contengan tolos datos requeríos o se cumplimentaren erróneamente.
4.1.2 El Xuráu realizará una preselección de los solicitantes, pa la que podrá tener en cuenta los siguientes aspectos: la titulación académica, la esperiencia en trabayos relacionados col mundu de la sidra, el nivel d’asturianu, inglés y francés, los conocimientos informáticos declaraos polos candidatos, y los cursos complementarios que ficieren.
4.1.3 Los candidatos preseleicionaos sedrán citaos pa facer les pruebes de seleición.
4.1.4 Los candidatos que superaren les pruebes anteriores podrán ser citaos a delles entrevistes de cálter eliminatoriu.
4.1.5 A propuesta del Xuráu y si concurrieren motivos xustificaos pa ello, la FUNDACIÓN podrá declarar desierta, total o parcialmente, la axudicación de les beques que se convoquen.
4.1.6 La FUNDACIÓN concederá les beques d’alcuerdu cola propuesta del Xuráu y comunicará per escrito a los interesaos la axudicación de les mesmes. El restu de los candidatos quedará como suplente.
4.1.7 Demientres el proceso de selección el Xurado solicitará a los candidatos la documentación qu’estime necesaria pa comprobar la veracidá de los datos aportaos na solicitú.
5.OBLIGACIONES DE LOS BENEFICIARIOS
Las obligaciones de los axudicatarios de les beques son les siguientes:
5.1 Cumplimentar y remitir a la FUNDACIÓN, dientro del plazu establecíu, la documentación que se esixa al axudica-yos les beques.
5. 2 Aceptar el conteníu d’esta convocatoria y el resultáu de la mesma y cumplir les condiciones nella establecíes.
5. 3 Aceptar per escrito la beca concedida dientro del plazu d’un mes dende la so publicación. De nun facese asina, entenderáse que’l becariu renuncia a la mesma.
5.4 Comunicar darréu a la FUNDACIÓN cualquier incidencia qu’afecte al normal desarrollu de les sos obligaciones como becariu.
5.5 Mantener durante tol períodu de la beca la actitú y l’interés necesarios pa un bon aprovechamientu de la mesma.
5.6 Asistir a les reuniones y entrevistes a les que seyan convocaos poles instituciones que collaboren nel Programa.
5.7 Nun divulgar nenguna información de cálter confidencial nin durante nin depués del periodu de práctiques.

6. ANULACIÓN DE LA BECA. La FUNDACIÓN podrá anular la beca por cualaquier de les siguientes causes:
• La constatación de dalguna irregularidá grave nos datos espuestos pol becariu na so solicitú.
• L’incumplimientu grave por parte del becariu de dalguna de les sos obligaciones establecíes nel apartáu
7. BAXA NEL PROGRAMA.La baxa nel Programa produciráse:
• Por anulación de la beca por parte de les entidaes convocantes.
• Por renuncia voluntaria del beneficiariu. La baxa nel Programa supondrá, dende la fecha en que la mesma se produza, la pérdida tolos derechos inherentes a la mesma.