Tres la publicación del Llibru Blanco del Camín de Santiago del Principáu d’Asturies, Avilés va actuar p’amontar la seguridá y garantizar la correcta orientación de los pelegrinos nel percorríu pela ciudá.
El 8,9% de les persones que visiten Avilés fainlo por cuenta de la so presencia na ruta xacobea y deientres 2016, l’Albergue Pedro Solís superó los 6.500 pelegrinos procedentes de más de 50 países
El conceyal de Promoción Económica y de Ciudá, Manuel Riola, visitó esta semana pasada’l tramu inicial del Camín de Santiago al so pasu per Avilés, al envís d’estudiar sobre’l terrén los cambeos que se van efectuar nel so señalización. Con estos cambeos pretende ameyorase la seguridá y la correcta orientación de los pelegrinos que lleguen a la ciudá.
Campa revisó la zona acompañáu pola Cronista Oficial de la Villa, María Josefa Sanz Fuentes; el director del Muséu d’Hestoria Urbana d’Avilés, Manuel Ángel Hidalgo; el xefe de l’Área de Turismu, Javier Apuertes y l’adxuntu a la dirección de Disciplina y Planiamientu Urbanísticu, Julio Redondo.
Los cambeos sobre la señalización del Camín de Santiago nel so trazáu n’Avilés van faese acordies coles indicaciones recoyíes nel Llibru Blancu del Camín de Santiago del Principáu d’Asturies”, documentu presentáu pol Gobiernu asturianu’l pasáu mes de noviembre qu’inclúi acciones qu’inciden na protección, la señalización, la rede d’albergues y la proyección internacional d’esta gran exa cultural.