Avilés presenta cuatro nuevos talleres nes biblioteques de Bárganos Candamo, Los Canapés, La Lluz y La Carriona dientro del programa Sábados nes biblios. Financiáu pol Plan Corresponsables del Ministeriu d’Igualdá, y desenvueltu en collaboración col Institutu Asturianu de la Muyer, va ufiertar hasta finales de xunu talleres pa favorecer la conciliación familiar y llaboral.
El taller d’ilustración va ser impartíu por Pintar-Pintar en Bárganos Candamo, Elísabet Martín Teatru va emponer la sesión de teatru infantil en Los Canapés, el de creatividá va desenvolver en La Lluz por Abiertu Asturies y l’actividá de robótica va correr al cargu de Robotix Asturies en La Carriona.Toles sesiones van tar dirixíes a menores d’ente 6 y 12 años, y van desenvolvese de 11 a 13 hores.
A lo llargo del ciclu va haber un total de 76 sesiones, tolos sábados, partíes ente les cuatro biblioteques. Sacante Bárganos Candamo nel que los sábados 18 de febreru, 18 de marzu, 13 de mayu y 17 de xunu nun va haber talleres.
El programa cunta con seis tipos d’actividaes, toes elles gratuites, que van tar dirixíes por persones espertes en cada materia:
- Taller d’ilustración, impartíu por Pintar-Pintar
- Taller de teatru infantil, impartíu por Elísabet Martín Teatru
- Taller de creatividá, impartíu por Abiertu Asturies
- Taller de robótica, impartíu por Robotix Asturies
- Taller de cómic, impartíu por Carol Medina
- Taller de stop motion, impartíu por Óscar Molero y Concha Garrido