El Conceyu d’Avilés entama 4 visites teatralizaes cola cuenta de dar a conocer a la población polo xeneral les instalaciones y característiques del Albergue de Pelegrinos ‘Pedro Solís’. El Conceyu d’Avilés y l’Asociación Ástur-Galaica de Santiago Apóstol d’Avilés, entamen el llunes 25 de xunetu, día de Santiago Apóstol, una xornada de visites teatralizadas p’afayar les sos dependencies.
La visita, gratuita y d’una hora de duración, va tar amenizada por dos actores – pelegrinos qu’informaren a los visitantes sobro la hestoria del Camín n’Avilés, les característiques de les instalaciones y los perfiles de los pelegrinos que nos visiten.
Prográmense cuatro veces de visita, a les 10, 11, 12 y 13 hores, con venti persones máximes per grupu. Ye necesariu realizar inscripción previa nel albergue llamando al 984703117 / 684658208 de 13 a 19 hores. o por Y mail. alberguepedrosolisgmail.com La ciudá d’Avilés cuntó con albergue de pelegrinos dende dómines medievales. En 1515 Pedro Solís funda l’Hospital de Pelegrinos na C/ Rivero tando n’activu hasta’l S XIX.
Cola recuperación del l’actividá xacobea al entamu del presente sieglu, nel añu 2004 el Conceyu d’Avilés habilita una parte del antiguu parque de bomberos como Albergue de Pelegrinos. Nes mesmes feches suscribe un conveniu de collaboración con L’asociación Ástur-Galaica de Santiago Apóstol d’Avilés pa la xestión de la instalación y l’acoyida de pelegrinos del camín.
Dende la so apertura les pernoctaciones nel albergue amóntense añalmente hasta llegar a los 5.901 pelegrinos nel añu 2019, d’ellos el 36,5% yera publico nacional y el 63,5% internacional, destacando pola so numbero el alemanes, franceses, italianu y norteamericanos. La pandemia freno esta medría progresiva nel 2020 (927 pelegrinos agospiaos), y empezó a recuperase nel 2021 ( 2.251 pelegrinos).
En xunetu del 2015 la UNESCO inclúi na Llista de Patrimoniu de la Humanidá’l Camín Primitivu y el Camín Costeru nel que s’atopa Avilés. El Camín de Santiago ye la marca turística mas reconocida y con mayor capacidá d’atracción del turista internacional que nos visita y d’una parte significativa del turista nacional.
Avilés ta considerada como llugar de parada pa completar una de les etapes del Camín, agospiándose la diversidá de perfiles de pelegrinos en toles categoríes de los agospiamientos turísticos de la ciudá. A lo llargo de la so década y media de funcionamientu l’Albergue de Pelegrinos foi amontando añalmente los sos datos d’ocupación. Aumentu cualitativu na diversidá de nacionalidaes que la ocupen, con referencies de tolos países d’Europa y America o tan alloñaes como Australia, Xapón, Coria o Singapur. El turismu internacional na nuesa ciudá esta en porcentaxe significativu rellacionáu col Camín de Santiago.