El Conceyu entamó un programa d’actividaes que volverán tener como oxetivu principal la reflexón colectiva y la concienciación social contra la violencia de xéneru con actividaes programaes para profesionales, muyeres, nueves y públicu polo xeneral mientres más d’una selmana.
La conceyala d’Igualdá, Raquel Ruiz, presentó esti llunes les actividaes que se van desenvolver n’Avilés con motivu del Día Internacional contra la Violencia escontra les Muyeres, que se conmemora’l sábadu, 25 de payares. El Conceyu d’Avilés entamó un programa d’actividaes que volverán tener como oxetivu principal la reflexón colectiva y la concienciación social contra la violencia de xéneru con actividaes programaes para profesionales, muyeres, nueves y públicu polo xeneral mientres más d’una selmana.
El programa d’actos entamó esti martes 20 a les 12:30 hores con una visita empuesta a la esposición “Muñeques”, de Sergio Sabini Celio. Na amuesa pueden vese fotografíes de muñeques abandonaes, rotes, foliaes, asitiaes comoquier ente oxetos vieyos o inservibles, que sirven como alegatu contra la violencia de xéneru y acompáñense de testos, soníos, artículos o entevistes en radios. Podrá visitase hasta’l 24 de payares na Sala d’Esposiciones de la Casa Municipal de Cultura.
El vienres 23 a partir de les 9:00 hores, l’Hotel NH Palaciu de La Ferrera va acoyer la I Xornada d’Atención Sanitaria en Violencia de Xéneru, entamada pol Conceyu d’Avilés, la Xerencia de la Área Sanitaria III, l’Institutu Asturianu de la Muyer, y la Conseyería de Sanidá.