Lliteratura Cristina Muñiz presenta llibru nuevu n’Avilés by asturnet 31 d'agostu, 2012 La escritora Cristina Muñiz presenta un llibru de rellatos cola editorial Ámbitu. “Cosa de tiempu” ye una colección de cuentos esbillaos pola autora y va cuntar con Román Álvarez, conceyal de cultura d’Avilés, como presentador. Sedrá a les ocho la tarde del martes 4 de setiembre, nel Palaciu de Valdecarzana, n’Avilés. 31 d'agostu, 2012 0 FacebookTwitterPinterestEmail
Política Conceyu Abiertu entama un día dAsturies alternativu en Samartín del Rei Aurelio by asturnet 30 d'agostu, 2012 El próximu 8 de setiembre, Día de la Nación Asturiana, Conceyu Abiertu entama un actu alternativu al quorganizal Principáu en Cangues dOnís. Desta manera, la organización prepara un actu políticu nel conceyu de Samartín del Rei Aurelio, onde se cellebrará un actu nel parque La Llaguna de LEntregu de magar les 14:00h. Nel actu políticu intervendrá un voceru de la organización en Samartín, conceyu quacueye lactu, y un voceru nacional, asina cómol conceyal de Noreña y otros representantes de los dixebraos conceyos onde la organización tien presencia. Amás dello, tendrá llugar una xinta popular pa los y les asistentes. Conceyu Abiertu considera que locho de setiembre, agora más que nunca, tien que ser un día de vindicación, un día pa vindicar la figura de los conceyos asturianos na reconstrucción nacional y social del nuesu país y la gueta de la soberanía y de la plena democracia pAsturies, espliquen. Quel gobiernu dAsturies organize una fiesta en Cangues y vaiga a misa a Cuadonga, sirvirá como entretenimientu o distraición, pero, denuncien nun mos sirve pa nada políticamente a los asturianos. 30 d'agostu, 2012 0 FacebookTwitterPinterestEmail
Escéniques Arévalo y Bertín Osborne conviértense en Mellizos nel Xovellanos by asturnet 30 d'agostu, 2012 El Teatru Xovellanos de Xixón acueye esti xueves 30 y vienres 31 d’agostu delles sesiones de la nueva obra de Bertín Osborne y Paco Arévalo, que decidieron xunir esfuercios y llevar a cabu esti espectáculu d’humor con cantares en directu. Los protagonistes rellaten sobre l’escenariu risonderes hestories que ponen de manifiestu los innumberables puntos de mancomún que dambos tienen. Los precios tán ente los 24 y los 15 euros. Bertín Osborne interpreta nesta obra y en directu los sos meyores ésitos musicales, acompañáu del maestru Franco Castellani al pianu. Pero tamién dispara la so batería d’anécdotes risibles. Y Paco Arévalo, non yá intervien na so conocida faceta d’humorista, sinón qu’amuesa al públicu les sos dotes como cantante. L’entamu de la trayectoria artística de Osborne remóntase al 1971, añu nel que debuta nel Festival del Cantar del Escorial. Pero nun va ser hasta 1980 cuando grabe’l so primer discu, Amor mediterráneo. Y a fecha de güei, el madrilanu que se confiesa xerezanu, publicó una ventena de trabayos discográficos. Bien conocíu ye’l so pasu por delles canales televisivos como presentador de programes d’audiencia masiva, como Contacto con tacto, Lluvia de estrellas, o Esos locos bajitos, por citar dalgunos. Pela so parte, Arévalo, empecipió la so andadura como humorista en 1970 col so espectáculu El bombero torero. Pero ye la so apaición selmanal nel programa Un, dos, tres Responda otra vez la que-y concede el so mayor popularidá. La so incursión nel cine vieno de la mano de Mariano Ozores con películes como El currante, o El pan debaxo del brazu, dambes de 1983. Ente les más recién podemos citar L’oru de Moscú (2003) o Isi & Disi, altu voltaxe (2006). 30 d'agostu, 2012 0 FacebookTwitterPinterestEmail
Educación La Conseyería d’Educación convoca 1920 places de personal interín pal cursu viniente by asturnet 30 d'agostu, 2012 La Conseyería d’Educación, Cultura y Deporte dAsturies emitió la primer convocatoria d’aspirantes a interinidá de los cuerpos docentes. El númberu de places de personal eventual pal cursu 2013-2014 ye de 1.920. La ufierta pública puede consultase al traviés d’Internet dende la páxina web www.educastur.es. Cola convocatoria d’esti, según pallabres de la Conseyería significativu númberu de puestos, la conseyera d’Educación, Ana González, asume la reivindicación sindical de sacar en primer convocatoria’l mayor númberu de places posibles. El profesoráu tien la posibilidá de realizar los sos pidimientos al traviés d’Internet, en llugar d’utilizar el procedimientu tradicional de presentar l’impresu de solicitú nel rexistru habilitáu al efeuto. El plazu de pidimientos va enllargar hasta’l próximu 2 de setiembre. Les places ufiertaes corresponder coles vacantes rexistraes nos centros educativos pal próximu cursu escolar, en función de los grupos esistentes. 30 d'agostu, 2012 0 FacebookTwitterPinterestEmail
Fiestes Tierra Astur celebra la quinta edición de la Cena Asturmedieval by asturnet 29 d'agostu, 2012 Yá ta convocada la V Cena Asturmedieval de Tierra Ástur Águila. El vienres 7 de setiembre ye la fecha escoyida pa la celebración d’esta pantagruélica llacuada. Per quintu añu consecutivu Tierra Ástur Aguila va treslladar mientres esta velada a tiempos inmemoriales onde plebeyos y nobleza ástur van compartir mesa y manxares. Namás por 22 euros, y a partir de los diez de la nueche sopes, carnes, verduras y quesos, ente otros manxares, van desfilar peles meses corríes acompañaos de sidra y vinu a mamplén. Gaudiosa, l’amada del princeps Pelayo, el caballeru Petiso y el Bardu Bernardu van ser los encargaos de anfitrionar y facer les delicies de los ellí presentes. Pa esta ocasión Tierra Ástur va poner a disposición de los asistentes un bus gratuitu especial Cena Asturmedieval que va salir de la Cai Xovellanos d’Uviéu a les 21:15, pa volver hasta la capital a eso de la 1:00 de la madrugada. L’animación correra al cargu de los actores y actrices Arancha Fernández (Gaudiosa), Carlos Mesa (Bardu Bernardu) y Pedro Durán (Caballeru Petiso). Tolos interesaos pueden realizar yá la so reserva nel teléfonu 985791228 o al traviés de la páxina web de Tierra Astur. 29 d'agostu, 2012 0 FacebookTwitterPinterestEmail
Cine El FICXixón entama ciclu con títulos de mediu sieglu d’hestoria by asturnet 29 d'agostu, 2012 El FICXixón entamal Ciclu del 50 aniversariu, tituláu De neños bonos a Enfants Terribles. Dende la organización camienten que mediu sieglu de bon cine ye enforma, enforma tiempu, y tamién enforma, enforma bon cine. Demasiao pa poder resumilo en namás un puñáu de títulos. Sicasí, el FICXixón escoyó una ventena de películes que se van proyectar na retrospectiva que va tener llugar del 1 al 23 de setiembre nel Teatru Xovellanos. Nun van faltar la primera nin la última cinta d’estos años d’hestoria. Esta selección reflexa l’espíritu y l’evolución de les señes d’identidá del festival a lo llargo del so intensu aportar. Nun tán toles que son, pero son, y sobre too, toles que tán, espliquen. Del 1 al 23 de setiembre podrán vese películes como Juntos, Los rescatadores, Quiéreme, Made in Hong Kong, El libro de la selva, Juno o Declaración de guerra, ente otres. Folletu del ciclu de los 50 años del FICXixón 29 d'agostu, 2012 0 FacebookTwitterPinterestEmail
Educación SUATEA denuncia qu’amenorga’l númberu de places d’interinos en llugar de caltenese como quier “maquillar” el Gobiernu by asturnet 29 d'agostu, 2012 Nun comunicáu fechu públicu esti día, SUATEA afita que “la convocatoria de places vacantes y non vacantes- ten de ser comparada con toles del pasáu cursu, siquier con toles que se realizaben davezu nel mes de setiembre”. Y darréu d’esto, “de les 1920 places qu’ayeri salieron publicaes, namái 1653 tienen calter de vacantes pa tol cursu. El restu respuenden a otru tipu de places que la so continuidá nun ta garantizada pa tol cursu”. La Conseyería d’Educación, primida poles fuelgues, manifestaciones y movilizaciones del colectivu d’interinos y del profesoráu de la enseñanza pública, dio sigún SUATEA “nuna operación de maquillaxe, aplaudida por dalgunos, pola qu’apaecen na primer convocatoria les places correspondientes non yá a les vacantes esistentes nos centros educativos sinón tamién a places que nun son vacantes”. Nes convocatories de principios del cursu pasáu convocáronse 2.377 places frente a les 1920 de l’actual convocatoria. La comparanza ye pertinente porque la Conseyería publicó nesta ocasión “toles places de toles enseñances y ella mesma reconoz que se sacaron la práctica totalidá de les places pal cursu próximu”. Amás, sigún SUATEA, “apaecen nesta convocatoria les places correspondientes a Formación Profesional, Conservatorios, Escueles d’Idiomes, Centros de Persones Adultes, etc que davezu se convocaben mientres el mes de setiembre”. SUATEA, n’analizando los datos de la convocatoria y considerando correctu que se convoque conxuntamente y al pirncipio de cursu’l mayor númberu de places de manera que tolos aspirantes puedan conocela, constata nesi comunicáu lo que vien darréu: “N’educación infantil y primaria, el númberu de places convocáu ye de namá 933, de les cualos 240 son medies xornaes, de les cualos !!! 33 son itinerantes¡¡¡. El cursu pasáu convocárense nel mes de setiembre un total de 1026 places”. “N’educación secundaria les places de les especialidaes comunes sufrieron un retayu deriváu ensin dulda de l’ampliación de la xornada al conxuntu del profesoráu que les sos consecuencies van soportar tantu los IES como los demás centros d’Enseñances de Réxime Especial. Les medies xornaes algamen equí a 341, de les 987 places totales convocaes”. 29 d'agostu, 2012 0 FacebookTwitterPinterestEmail
Sociedá Iniciativa pol Asturianu y lAsociación de Trabayadores de Normalización Llingüística aconceyen en Xixón by asturnet 29 d'agostu, 2012 Representantes d’Iniciativa pol Asturianu van aconceyar esti xueves 30 d’agostu cola Asociación de Trabayadores de Normalización Llingüística, organización qu’axunta a profesionales de la política llingüística que trabayen en servicios de normalización nos conceyos n’Asturies. El conceyu tendrá llugar a les siete la tarde nes instalaciones del Vieyu Institutu Xovellanos de Xixón. Nel mesmu Iniciativa pol Asturianu anunció que va interesase pola situación de los servicios de normalización n’Asturies, asina como buscar víes de collaboración ente dambes organizaciones. 29 d'agostu, 2012 0 FacebookTwitterPinterestEmail
Patrimoniu Belenos asoleya un nuevu númberu de la revista Asturies by asturnet 28 d'agostu, 2012 La Fundación Belenos ta acabante asoleyar el númberu 32 de la so revista, Asturies, memoria encesa dun país. Amás de les estayes habituales, como Memoria Gráfica dAsturies (nesta ocasión dedicada al pueblu mariñán de Llastres), LEstoxu y Cartafueyos de Belenos, la revista inclúi dellos trabayos etnográficos dinvestigación. Asturies, memoria encesa dun país yá pue mercase nes principales llibreríes del país a un preciu de 15 euros. La espublización recueye los trabayos que vienen darréu: El mayéu Busián (L.lena): orixe duna braña na Edá del Bronce (Jorge Camino Mayor), Los torques dArgul (Pezós) (Alberto Álvarez Peña y Alfonso Fanjul Peraza), Les cases soportalaes dAvilés y les sos «mirilles» (Manuel Mallo Viesca), Delles considerances alredor de Xosé Faes «capitán de los carlistes, resurrección de Pelayo» (Javier Cubero de Vicente), Peslleres, maniyes y picaportes. Artesanía del fierro nes puertes de les cases asturianes (Inaciu Hevia Llavona y Alberto Álvarez Peña), Don Pelayo, primer rei de los astures. Testimoniu duna saga escaecida: la hermana de Don Pelayo (Gausón Fernande Gutierri), El potru, un elementu etnográficu escaecíu (Daniel Cueli Canto), Normes xenerales pal usu y disfrute de la sidra (Inaciu Hevia Llavona) y El Son dArriba y los Cantos de Ramos nel Val.le de Naviegu (Cangas del Narcea) (Santos Nicolás Aparicio). 28 d'agostu, 2012 0 FacebookTwitterPinterestEmail
Lliteratura Iris Díaz Trancho, Cristina Muñiz y Severino Antuña nos alcuentros con escritores en Corvera by asturnet 27 d'agostu, 2012 Esta selmana sigue l’actividá “Veranu lliterariu. Alcuentros con escritores en Corvera” con Iris Díaz Trancho, Cristina Muñiz y Severino Antuña‏, el martes, miércoles y xueves, de 11:30 a 12:30 hores. La programación del veranu lliterariu de Corvera pa esta selmana, empicipia’l martes 28 con Iris Díaz Trancho, que va falar de “Mio ma, la pirata” nel Aula Polivalente del Centru Sociocultural de Les Vegues, mentanto que’l restu fáense na biblioteca de Les Vegues, nel centru “Tomás y Valiente”. El miércoles 29 va tar na biblioteca de Les Vegues, Cristina Muñiz, autora de títulos como “Dingurindaines”, “La pota encarnada” o “La bañera. El xueves 30, tamién na biblioteca de Les Vegues, tará Severino Antuña, coautor de “Garulla. Antoloxía del ritmu”. L’actividá “Veranu lliterariu. Alcuentros con escritores en Corvera” entamó’l martes 7 dagostu y va desendolcase hasta’l martes 4 de setiembre. En total van pasar una docena descritores asturianos per Corvera nel marcu d’esta iniciativa que quier avercar y dar a conocer una amuesa de la producción lliteraria nasturianu dirixida al públicu infantil, mesmo qua los sos autores. 27 d'agostu, 2012 0 FacebookTwitterPinterestEmail