Fiestes Tinéu acueye les celebraciones del Día dAsturies esti sábadu by asturnet 5 de setiembre, 2012 Esti añu, el Día d’Asturies celébrase’l sábadu 8 de setiembre en Tinéu. A lo llargo de tola xornada va celebrase un mercáu tradicional asturianu, onde va ufiertase una amuesa de los oficios artesanales más característicos del país, distribuyíos en 90 puestos peles cais de Tinéu. Ente los conteníos, van vese producciones de quesos, embutíos, repostería, llicores, xoyería y cerámica. Amás, habrá talleres, conciertos, deportes tradicionales, tonada, teatru De 12.00 a 20.30 hores habilitaráse una zona lúdica infantil, onde los más pequeños van poder esfrutar nun espaciu pensáu pal so ociu con talleres temáticos. De 12 a 2 de la tarde, celebraráse una exhibición de deporte tradicional asturianu, con delles disciplines deportives tradicionales como la carrera de llecheres, el llanzamientu d’altor de fardu, corta de tueros con hachu y tronzón, tiru de cuerda, tiru al palu o carrera de molienda per relevos. A les doce la mañana, un pasacais del grupu de teatru Margen, va amenizar les cais del pueblu col so Barcu Pirata. A les 12:30 entama un conciertu de tonada, al cargu de l’Asociación de la Canción y el Folclore Abargane del Nalón, amás dAICA. Darréu, a eso de les 14:30, la Bandina Los Eólicos va facer animación con música tradicional asturiana peles cais de Tinéu. Yá de tarde, de 15:00 a 19:00 hores, la compañía Escena Apache va animar a los visitantes col so toque d’humor asturianu y animación constumista. A les 16:00 hores ta previstu un pasacais del grupu Margen, col mesmu espectáculu de la mañana. A lo llargo de tola tarde va celebrase una escuela de xuegos tradicionales. El Club Deportivu 6 Conceyos va ufiertar una amuesa de deportes y xuegos tradicionales. Tolos públicos, tanto neños como adultos, van tener la posibilidá de participar. La celebración va pesllase con un conciertu ente les seis de la tarde y les doce y media la nueche, nel que va participar, nesti orde, Destino 48, Roke, Rafa Lorenzo, Asturiana Minning Company y Doctor Explosión. 5 de setiembre, 2012 0 FacebookTwitterPinterestEmail
Plástiques Últimos díes pa echar una güeyada atlántica al arte asturianu by asturnet 5 de setiembre, 2012 La esposioción colectiva La Mirada Atlántica vive los sos últimos díes en Xixón. Hastal 9 de setiembre tará nel Muséu Barjola. La esposición colectiva recueye obres d’artistes de distintes disciplines quepsonen los sos trabayos rellacionaos col ámbitu atlánticu européu. Esta esposición marca l’entamu d’un trabayu siguíu d’intercambiu ente artistes, enclinos, esperiencies y transacciones d’obra nel marcu del Festival Arcu Atlánticu. El Festival Arcu Atlánticu nun podía dexar a un llau la mirada de los artistes, y, por ser precisamente la primer edición, queríen entamar cola xente de casa nel Palaciu de Xove-Huergo (coetaneu del padre L. Alfonso de Carvallo), güei Muséu Barjola, como invitación a les demás riberes atlántiques, al traviés de la plástica y l’arte audiovisual. La coordinación y diseñu corrieron a cargu de Ramón Isidoro. Puede visitase de martes a sábadu, de 11.30 a 13.30 y de 17.00 a 20.00 hores, y los domingos y festivos, de 12.00 a 14.00 hores. Artistes presentes: Alicia Jiménez Ánxel Nava Avelino Mallov Avelino Sala Cristina Ferrández Box Francisco Fresno Guillermo Simón Hugo ODonnell José de la Riera José Legazpi José Manuel Núñez Árias Juanjo Palacios Marcos Morilla María Jesús Rodríguez Noé Baranda Pablo de Lillo Pablo Maojo Raquel Estrada-Nora Vicente Pastor 5 de setiembre, 2012 0 FacebookTwitterPinterestEmail
Música Villaviciosa celebra esta selmanal Festival Internacional de la Gaita by asturnet 5 de setiembre, 2012 El conceyu de Villaviciosa acueye estos díes el Festival Internacional de la Gaita. El xueves 6, a les diez y media la nueche, entamen los actos cola III Nueche de la Gaita (Gaites del mundu), un espectáculu de lluz y soníu que va celebrase na Plaza Caveda y Nava y sobre lEscenariu Sabino Cifuentes, cuntando cola participación de Nico Radin (Breizh Biniou), Jose Manuel Pérez ( Gaita galega), José Manuel Tejedor (Gaita Asturiana), Dani Álvarez (Uilleann pipe) y les bandes Banda Gaites Villaviciosa & amigos y Banda Latira ( Betaña). A la una la nueche va celebrase una Folk Session nel Café Teatru El Grillu Salvaje. El vienres 7, los actos van entamar a les seis de la tarde, col Mercáu tradicional nel Parque d’El Pelambre. A les diez y media la nueche un conciertu nel “Escenariu Central” va cuntar cola Banda Latira (Bretaña) y los grupos Aira da Pedra (Lleón), Tuenda (Asturies) y Skama la Rede (Asturies). El sábadu entamal mercáu de mañana, a eso de les doce, y media hora más tarde va producise lactuación de la Banda Gaites Villaviciosa -El Gaitero- y la Banda de Gaitas Castro Bergidum peles cais de Villaviciosa, dando entamu al Festival de Bandes de Gaites. A les ocho, un pasacais percorrerá La Villa pa rematar a les ocho y media nel “Escenariu Central” onde van participar nel espectáculu les bandes: Banda de Gaites Candás, Banda de Gaites Xácara, Banda de Gaitas Castro Bergidum, Banda de Gaites Ciudá de Cangues dOnís, Bandina de la Escuela de Musica Tradicional y la Banda de Gaites Villaviciosa -El Gaitero-. La xornada va rematar na media nueche col conciertu de Naheba (Cantabria) y Tejedor (Asturies). El domingu acaben los actos. A les 12:30 celebraráse lactuación de les Bandes participantes peles diferentes cais de Villaviciosa. A les siete la tarde, el concursu de Gaiteros Solistes “Memorial Jose Huerta”, nel Escenariu Central, onde se fadrá la entrega de premios a les 22:30 hores, actuandol ganador media hora más tarde nun chigre a decidir entá. El pieslle a estos díes centraos na música y la gaita va ponelu la Hector Braga Band (Asturies) a les 23:30 hores. 5 de setiembre, 2012 0 FacebookTwitterPinterestEmail
Lliteratura Ramón Lluís Bande piesllal branu lliterariu en Corvera by asturnet 4 de setiembre, 2012 El martes 4 de setiembre Ramón Lluís Bande, autor de los llibros Un viaxe distintu y Historia d’un árbol (entrambos los dos publicaos por Ámbitu), va participar en “Veranu lliterariu. Alcuentros con escritores en Corvera”, poniendo’l ramu a una actividá que tien como envís favorecer el contactu ente autores y llectores, amás de dar a conocer dello de la producción lliteraria n’asturianu dirixida a los rapacinos. L’horariu ye de 11:30 a 12:30 hores y l’actividá va facese na Biblioteca de Les Vegues. L’asistencia ye llibre y gratuita. Una docena d’escritores participaron nesta actividá que se desenrrolló a lo llargo de tol mes dagostu. Visitaron Corvera, Sidoro Villa, Chechu García, M.ª Luz Pontón, Inaciu Galán, Jorge Fernández, Xulio Berros, Berto García, Antón García, Iris Díaz, Cristina Muñiz, Severino Antuña y Ramón Lluís Bande. 4 de setiembre, 2012 0 FacebookTwitterPinterestEmail
Cine LArribada y el Conceyu de Xixón asoleyen un dvd con curtios asturianos by asturnet 4 de setiembre, 2012 En dientro la Vagamar de LArribada 2012 va presentase y proyectasel DVD Esbilla 2012, editáu por Gonzali Producciones y patrocináu pola FMCEyUP del Ayuntamientu de Xixón. Esbilla 2012 ye una amuesa de curtiumetraxes y documentales rodaos nAsturies y que van divulgase en países que formen lArcu Atlánticu européu. Nella figuren obres nasturianu, castellán y gallego-asturianu de los realizadores Julio de la Fuente, Jim-Box, Pablo Quiroga, José Luis Velázquez, Jorge Dopacio, Álvaro Núñez, Marisa López Diz, Melania Fraga ya Illán Gonzali. Lactu entamarál sábadu 15 de setiembre, a les 17:30 hores, y allongaráse hasta les 20:00 hores nel salón dactos del Centru de Cultura Antiguu Institutu de Xixón. Trés de la presentación del DVD fadráse la proyección de los sos conteníos, con Septiembre, de Julio de la Fuente (15 minutos), No hay nadie, de Jorge Dopacio y José Luis Velázquez (14,49 minutos), Fémina domus, de Jim-Box (3,19 minutos), El hombre fuera del tiempo, dÁlvaro Núñez (10,21 minutos), Bisarmes, de Pablo A. Quiroga y Francisco Martínez (11,52 minutos), A fiya del sastre, de Marisa López Diz (18,39 minutos) y los documentales, Eu son quen fun, de Melania Fraga (18, 24 minutos) y A bruxa de Brañavara, dIllán Gonzali (40,49 minutos). 4 de setiembre, 2012 0 FacebookTwitterPinterestEmail
Convocatories Mieres convoca un concursu de rellatos pa escolinos de secundaria by asturnet 3 de setiembre, 2012 La conceyalía de Cultura de Mieres, al traviés del Serviciu de Normalización Llingüística, convocó l’I «Concursu de Rellatos Curtios pa Escolinos de Secundaria Conceyu de Mieres». Al certame podrán presentase mozos d’ente 12 y 18 años de cualquier nacionalidá y residencia. Los rellatos van ser de temática llibre y tendrán de tar escritos nasturianu, con una estensión de non más de trés fueyes en formatu A4 por una sola cara y escritos a ordenador. Los trabayos van apurrise na Casa de Cultura Mieres, per corréu electrónicu a la dirección llingua@ayto-mieres.es o per corréu postal. El plazu pa presentalos va tar abiertu hasta’l 30 de payares. Los premios del certame van consistir en llotes de llibros y discos en llingua asturiana y, amás, los trabayos gallardonaos van espublizar nel llibru de les fiestes de San Xuan 2013. Pa cualesquier información adicional, los interesaos pueden ponese en contactu col Serviciu de Normalización Llingüística de Mieres nel teléfonu 985 450 666. 3 de setiembre, 2012 0 FacebookTwitterPinterestEmail
Plástiques Convoquen el concursu de semeyes de La Sidra by asturnet 3 de setiembre, 2012 Acaba convocase la VI edición del Concursu Semeyes LA SIDRA, pa obres rellacionaes cola sidra, la mazana y los sos derivaos. Trátase d’un concursu abiertu a profesionales y aficionaos, que nesta VI edición perfila daqué más les sos bases al oxetu de meyorar la convocatoria, y p’asegurar que los ganaores pasen a recoyer los premios. Comu se remembrará, a l’anterior edición presentárense 145 fotógrafos con 563 semeyes, lo que supunxo tou un ésitu de participación, por nun falar de l’alta calidá de les obres presentaes. Los premios tan dotaos con: – 600 pa la semeya ganadora (500 en metálicu y 100 en llibros). – 350 pal segundu premiu (300 en metálicu y 50 en llibros). – 150 (125 en metálicu y 25 en llibros) pal terceru. Arriendes d’ello esti añu habrá un accesit p’aquelles semeyes que tean comu oxetu la Sidra J.R, patrocinador del Concursu y que consistirá en 2 caxes de botelles de sidra JR. Bases completes del concursu 3 de setiembre, 2012 0 FacebookTwitterPinterestEmail
Educación La XDLA reclama al Gobiernu quinforme a los centros de la eliminación de la ratio mínima nes clases dasturianu by asturnet 3 de setiembre, 2012 La Xunta pola Defensa de la Llingua Asturiana ta acabante anunciar el so pidimientu a la Conseyería dEducación pa questa informe a los centros educativos asturianos de la fin de la ratio mínima docho alumnos pa formar grupu dasturianu nes escueles ya institutos dAsturies. Una midida forciada pola Tribunal Cimeru dAsturies nel mes dabril y pola que se reconoz la obligatoriedá de poner clas dasturianu, anque seya namás un neñu quien lo pida. Dende la Xunta espliquen que Como yá critiquemos duramente nel so momentu, les autoridaes del Gobiernu asturianu, col per entós conseyeru Herminio Sastre a la cabeza, amosaron el so despreciu testerón pola llegalidá y les perres públiques cola presentación d’un recursu en casación que, como nun podía ser d’otra manera, acabó en confirmación de la sentencia y la condena a costes de l’Alministración asturiana. La XDLA anuncia que tará sollerte al procesu de matriculación pa denunciar los casos nos que sincumpla la llei. 3 de setiembre, 2012 0 FacebookTwitterPinterestEmail
Fiestes Villaviciosa entama una edición más de la Fiesta de la Sidra by asturnet 31 d'agostu, 2012 El próximu 1 de setiembre tendrá llugar na Plaza’l Güevu de Villaviciosa la Fiesta de la Sidre, qu’esti añu fai la so XV edición. Esta edición cunta cola collaboración de los llagares maliayos:Buznego, Castañón, Coro, Cortina, El Gobernador, El Traviesu, Frutos, Los Gemelos, M. Busto, J.Tomás, Vallina y Vigón, que darán de baldre la preba de la so sidre a los asistentes. La fiesta entamará a les 12 hores cola actuación de la Banda Gaites de Villaviciosa-El Gaitero. A les 13 hores fadráse entrega del Premiu “Etiqueta más guapina 2012” por Sidrastur (Grupu astur de coleccionismu sidreru). A les 17:30 tendrá llugar el Concursu d’Echaores y la fiesta finará a les 19:30 hores cola actuación del Cuartetu Torner. 31 d'agostu, 2012 0 FacebookTwitterPinterestEmail
Comunicación Ana Cano y Riaño entrevistaos nel programa Iniciativa pol Asturianu nes ondes by asturnet 31 d'agostu, 2012 Yá ta disponible’l tercer programa de radio d’Iniciativa pol Asturianu nes ondes fechu na Universidá Asturiana de Branu (UABRA), en Cangas del Narcea, y onde tuvieron como convidaos la presidenta de l’Academia de la Llingua Asturiana, Ana Cano y el direutor de la UABRA Xosé Antón González Riaño. Iniciativa pol Asturianu nes ondes ye un programa radiofónicu mensual que da anuncia de les actividaes de la organización. Dirixíu por Samuel Gradín, llocutor con llargos años d’esperiencia en medios como La Voz de Galicia o la RPA. A lo llargo de los alredor de sesenta minutos que dura caúna de les emisiones hai tiempu pa conocer les noticies del movimientu de reivindicación llingüística, entrevistes, música y hasta un pequeñu espaciu pa deprender asturianu. El programa emítese en Radio Sele, Radio Ujo, AllerFM, Radio L.lena, Radio Kras, Radio Noreña, Radio Nava, Radio Alma (Bruseles)… y puede sentise tamién nes canales d’Iniciativa pol Asturianu n’Ivoox y YouTube. Descarga’l tercer programa d’Iniciativa pol Asturianu nes ondes 31 d'agostu, 2012 0 FacebookTwitterPinterestEmail