Hasta’l próximu día 23 na plaza de Trascorrales sigue desenvolviéndose’l II Salón del Llibru Infantil y Xuvenil d’Uviéu, “Con muncho cuentu”.
Na inauguración, la conceyala de Cultura del Conceyu adelantró la intención del equipu de gobiernu d’amontar el presupuestu pa l’alquisición de nuevos volumes y material de cara al añu que vien pa da-yos más vida y calificó de brillante’l llabor del personal d’estos equipamientos municipales. Tamién recordó’l lema d’anguaño del salón, “Lleendo n’igualdá” y recordó la importancia de la educación, el respetu y la llectura pa faer frente a la violencia machista, por que los más pequenos nun tengan que sufrila”. Como Conceyu, recordó, “entamemos visites escolares, amás de les actuaciones, alderiques, títeres… “una programación con novedaes y bien curiosa”.
Tolos llibros que tán a la vienta nel Salón del Llibru Infantil y Xuvenil tienen un 10 per cientu de descuentu.