El Parque Arqueolóxicu de la Campa Torres ufre esti martes 29 d’avientu, de 12 a 14 hores una visita dramatizada al castru en compañía de Medugeno Cesaronis, de la gens cilúrniga.
La compañía Yheppa Títeres va ser la encargada de faer un percorríu risonderu ya interesante pol pasáu más remotu de Xixón. Hai un aforu llindáu pa 23 persones (mínimu de 12 persones pa que se celebre l’actividá), polo que ye necesaria la inscripción previa. El preciu de l’actividá ye de 10€ (gratuitu pa los menores de seis años), incluyendo’l preciu’l transporte, la entrada al muséu y la visita empuesta.
Les salíes tan previstes del Puertu Deportivu, parada “Fomentín”. La información ya inscripciones puen facese en INFOGIJÓN. Puertu deportivu, Espigón Central de Fomento Tlf.: 985 34 17 71.