Dende’l pasáu 13 de xunetu ta celebrándose’l n’Aragón el II Congresu del Aragones, col envís de crear una Academia de la Llingua Aragonesa. L’alcuentru cuenta con notable representación institucional de les academies Vasca, Gallega, del Institutu d’Estudios Catalanes y del Institutu d’Estudios Occitanos, xunto cola representación asturiana compuesta pol vicepresidente de l’Academia de la Llingua Asturiana, Miguel Ramos Corrada y el xefe de la Oficina de Política Llingüística Ramón d’Andres Díaz.
Na presentación de les xornaes, Ramón d’Andres fixo de presentador, n’asturianu y aragones, de Miguel Ramos Corrada que, per parte de l’Academia de la Llingua Asturiana, ufiertó una ponencia sobre’l papel normativizador de l’ALLA.
Nel actu taba confirmada la máxima representación institucional del Gobiernu d’Aragón col so presidente, Marcelino Iglesias (PSOE), pero, al nun poder asistir, el viceconseyeru d’Educación lleó les palabres del presidente onde s’anunció que diba retomase non muncho más p’alantre la Llei de Llingües d’Aragón que-yos da reconocencia a les otres llingües, amás del castellanu, de la comunidá: l’aragones y el catalán.