Apruébense los nuevos Estatutos de la Universidá d’Uviéu con un 81% d’apoyu

Los miembros del Claustru de la Universidá d’Uviéu votaben esti miércoles los nuevos estatutos de la institución. La propuesta afalada pol equipu rectoral recibió 165 votos a favor (l’81% de los emitíos), 22 en contra, 13 abstenciones y 2 nulos.

Colos resultaos de la votación la reforma de los Estatutos consigue arreblagar la mayoría absoluta requerida, yá que se precisaba, que, polo menos, la propuesta fuere sofitada pol votu favoratible de 143 claustrales.

L’equipu rectoral calificó la noticia d’“escelente”, yá que convierte a la Universidá d’Uviéu “nuna de les primeres Universidaes qu’adaptaó los sos Estatutos a la reforma de la LOU”.