Antonio Banderas foi reconocíu esti martes col Premiu Nacional de Cinematografía 2017. El malagueñu recibe d’esta manera un galardón pola so llarga carrera y el so defensa del cine español. Nel so fallu, el xuráu premió al actor por “ser un cineasta con una trayectoria estraordinaria a nivel nacional ya internacional, qu’abrió’l camín pa munchos actores y actrices españoles.
El so compromisu col cine como actor, director y productor failu ensin dubies merecedor d’esti Premiu Nacional de Cinematografía que concede l’Institutu de la Cinematografía y de les Artes Audiovisuales (ICAA), organismu adscritu al Ministeriu d’Educación, Cultura y Deporte y ta dotáu con 30.000 euros.
El xuráu, designáu pol Institutu de la Cinematografía y de les Artes Audiovisuales, tuvo presidíu pol director xeneral d’esti organismu dependiente del Ministeriu d’Educación, Cultura y Deportes, Óscar Graefenhain. Guadalupe Melgosa Fernández, subdireutora xeneral de Promoción y Relaciones Internacionales del ICAA, exerció de vicepresidenta del xuráu.