La conseyera de Cultura autonómica, la exministra Rosa Aguilar, reclamó esti xueves al ministru Íñigo Méndez de Vigo que convoque una conferencia con tolos conseyeros rexonales, onde ella ta dispuesta a liderar la batalla contra l’IVA cultural.
Aguilar fizo l’anunciu de llucha contra’l IVA del 21% por consideralo una represalia al mundu de la cultura, argumentando amás que la xubida del impuestu nun supunxo una recaldación significativa pal Estáu ente que a les empreses culturales causó-yos una cayida del 30% nos ingresos.
Según argumentó Aguilar, la mayor presión fiscal sobre los productos culturales fixo sumir munches empreses y empleos nuna actividá que ye clave pa enllantar un nuevu modelu económicu.
La Unión d’Asociaciones Empresariales de la Industria Cultural Española, en llínea cola situación d’emerxencia del sector, llevó esti pasáu martes a los Reis el pidimientu de rebaxa del IVA nos bienes culturales.