Anabel Santiago, una de les figures que de xuru tan renovando la música tradicional asturiana y la tonada en concretu, va tar actuando esti domingu 2 de febreru en Xixón. El recital va entamar a les 21:00 hores na Sala El Patio de la Favorita, nel númberu cuatro de la cai Ezcurdia. Faciendo un repás poles sos influencies americanes, Santiago va poner nes tables un repertoriu nel que nun van faltar referencies a Johnny Cash y otros clásicos del folk estáuxunidense. Pa la ocasión va tar acompañada por Michael Lee Wolf y Jacobo de Miguel.