Alfredo González presenta esti xueves discu nuevu

Algamar Producciones ta al cargu de la edición del discu nuevu d’Alfredo González. Dempués d’un primer discu en castellán y un segundu n’asturianu, nesta ocasión, Alfredo inclúi diez temes n’asturianu y diez en castellán. “Dobleces”, producíu por Sergio Rodríguez va presentase esti xueves a les 12:30 hores na sede de la Sociedá Xeneral d’Autores y Editores (Sgae) d’Uviéu, nel 15 de la cai la Lluna.