Alberto Álvarez Peña va falar güei nel Atenéu Obreru de Xixón de “Túmulos y dólmenes n’Asturies”

Güei, miércoles 21 de mayu, a les siete y media la tarde, l’etnógrafu, difusor de la cultura tradicional, presentador del programa Marabayu en TLG y miembru de la Fundación Belenos y l’Asociación l’Arribada, Alberto Álvarez Peña va dictar la conferencia titulada “Túmulos y dólmenes: el megalitismu n’Asturies”, dientro del cilcu entamáu pola Tertulia Cultural “El Garrapiellu” dende va unos meses.

Álvarez Peña va falar de los principales xacimientos asturianos: Sierra del Carondiu (Ayande), La Borbolla (Llanes), Santa Cruz (Cangues d’Onís), Monte Areo (Carreño) y Merías (Cuartu de la Riera de Tinéu); nes sos reflexones nun va faltar too aquello que rellaciona estos monumentos megalíticos col folclore xeneráu n’Asturies a partir d’estes construcciones funeraries.