Hasta’l 31 d’ochobre permanez abiertu’l plazu pa optar a la XII edición d’estos premios colos que’l Conceyu d’Avilés reconoz el llabor d’entidaes y persones que desenvuelven la so actividá de manera desinteresada na ciudá.
El Conceyu d’Avilés caltien abiertu hasta’l 31 d’ochobre’l plazu de presentación de candidatures pa la Reconocencia al Llabor Voluntariu. El premiu pretende facer visible’l llabor que munches persones y entidaes realicen de forma desinteresada n’Avilés, fomentando la convivencia y participando nel tresformamientu de la ciudá.
Cola fin d’evaluar les candidatures que se presenten, formóse una Mesa de Selección compuesta por entidaes de voluntariáu que, al pie de representantes de los grupos municipales, va decidir ente les candidatures propuestes les reconocencies del añu 2015.
Nes once ediciones anteriores premióse a 48 persones, entidaes o actividaes dedicaes al voluntariáu na ciudá, reconociéndose l’añu pasáu les acciones voluntaries d’Esperanza García García, l’Asociación Xuvenil Avante y el Grupu de Guíes Turísticos de l’Asociación Rei Pelayo.