Abierta la matrícula nos Talleres Infantiles d’Avilés (TIA) nel cursu 22-23

Al igual que n’anteriores cursos escolares y al envís de conciliar la vida llaboral y familiar, el Conceyu d’Avilés pon a disposición de les families los Talleres Infantiles d’Avilés (TIA) nos periodos non lectivos del cursu escolar 2022-2023. Facilo con más places (40 por vez, 10 más que nel cursu anterior) y colos CEIP Versalles y El Quirinal como llugares de celebración.

Yá s’atopa abiertu’l plazu de matrícula pa les 7 veces previstes. El primeru en desenvolvese va tener llugar mientres la ponte de Tolos Santos (los díes 31 d’ochobre y 2 de payares), que’l so plazu de matrícula va rematar el llunes 24 d’ochobre. Pela so parte, para formalizar inscripciones na segunda vez, correspondiente a la ponte de la Constitución (5 d’avientu), el plazu va rematar el vienres 25 de payares.

Na convocatoria, que yá s’atopa disponible nel estremáu “Otres Convocatories” de la See Electrónica municipal (https://sedeelectronica.aviles.es), figuren tamién les feches de referencia de les 7 veces que se van desenvolver mientres el cursu escolar 2022-2023.

Más información