La esposición presenta una selección de la Colección de Semeyes d’Avelino Bárcena, resultáu del so trabayu como fotógrafu de la vida social de Cualloto.
Esta Colección, compuesta por 3.957 imaxes, foi donada polos sos herederos, nel añu 2014, al Conceyu d’Uviéu para la so custodia nel Arquivu Municipal. La esposición va tar abierta del 9 d’ochobre al 2 de noviembre, nel Centru Social de Cualloto, n’horariu de 9 a 14 y de 16 a 22 hores (llunes a vienres), de 11 a 14 y de 16 a 21 hores (sábadu) y de 16 a 21 hores (domingos y festivos).
Na inauguración tuvieron presentes varios herederos d’Avelino Bárcena y el conceyal Iván Álvarez que destacó d’ésta colección que ye la resultancia del trabayu de Bárcena, “desque nos años 50 afitase en Cualloto y entamara a ser el fotógrafu de la vida social del llugar; nun hai acontecimientu que nun prinda so cámara“. Asina, animó a los vecinos de Cualloto a visitala porque-yos va resultar “bien interesante, al trate reflexaos na mesma”.