Gaspar Llamazares, voceru parlamentariu d’IX na Xunta Xeneral, pidiera darréu un Pactu pola Investigación y pola Ciencia n’Asturies, pol gran malestar de la mocedá investigadora xustificáu pol retrasu de les sos beques y tamién porque hai malestar en relación a los grupos d’investigación y el financiamientu de los mesmos.
Llamazares señala qu’al pie de esti malestar tamién hai mires, como son les del CINN (Centru d’Investigación en Nanomateriales y Nanotecnología), que plantega ampliar les sos instalaciones. Pa Llamazares ye necesario ordenar y dar respuesta a toes estes demandes por aciu un Pactu pola Investigación qu’entaíne la xestión de les beques, ameyore los proyectos y de respuesta a les iniciatives que se tán produciendo n’investigación con un plan al mediu plazu que de seguridá a los grupos d’investigación.