Esti vienres, a les 21,30 hores, el programa De cine nel Botánicu trai ‘100 díes de soledá’ de José Díaz que recueye una vivencia única nel Parque de Redes.
En 2015, José Díaz decidió recluyise mientres más de trés meses nuna cabana del Parque Natural de Redes, n’Asturies. Fízolo con cinco cámares dixitales y un dron, pero ensin teléfonu móvil, internet, eletricidá o reló dalgunu, dispuestu a vivir en soledá total y en plena Naturaleza. 100 díes solu en plenu monte, so l’agua, el fríu y el vientu, pero tamién en comunión cola Naturaleza, la memoria y l’arte de ser unu mesmu a toes hores.
Dirección: José Díaz
Guion: Gerardo Olivares, José Díaz
Fotografia: José Díaz
Música Pablo Díaz
Cuando: 3 de setiembre de 2021 a les 21:30