Esthi Rubio y Armando Vega Rodríguez can ser los dos nomes que protagonicen el programa “2 Poetes 2” nel Centru de Cultura Antiguu Institutu esti xueves 21 de xunu a les 20 hores.
Esthi Rubio (La Artosa, Valdés), graduada n’educación infantil, foi finalista en dellos certames de poesía y relatos, como l’Internacional de Poesía Roberto Juarroz (Arxentina). Granes de Llibertá (2012) y Camín de Lluz (2015) son dalgunes de les sos obres publicaes. Rendibú, el so últimu poemariu, va ver la lluz llueu.
Armando Vega Rodríguez (Cuerrias de Espinaredo, Piloña) ye poeta, artista multidisciplinar y xestor cultural. En 2016 foi escoyíu Poeta del Alba en Candás, y en 2017 llogró’l prestixosu premiu de poesía Nené Losada Ricu. Ye autor de los llibros Pente’l borrín de la memoria (2005) y -yos hores escrites (2011).
La llectura poética va complementase cola actuación musical del Grupu Xixón de Pulsu y Escayu y baille de Sandra Risueño.