Beatriz Arce inauguró col entamar de xuneti “Fábules Xeométriques” na Casa de Cultura d’Avilés recuperando patrones que se repitíen nos vieyos suelos hidráulicos, un patrimoniu domésticu que pon en valor en distintos formatos, sobro papel, seda y lona, según en vídeu. La esposición podrá visitase, de forma gratuita, hasta’l 21 d’agostu.
Les Ayudes a la Producción Artística de la Factoría Cultural d’Avilés siguen dando los sos frutos, y esta selmana pasada inaugurábase la esposición “Fábules Xeométriques”, de Beatriz Arce , un trabayu que se correspuende cola beca a la producción d’ámbitu nacional concedida en 2021 pola Fundación Municipal de Cultura, na so cuarta convocatoria. Podrá visitase na Casa de Cultura, de forma gratuita, hasta’l 21 d’agostu.
Na inauguración na sala d’esposiciones de la Casa de Cultura, participaron Yolanda Alonso, conceyala de Cultura d’Avilés, acompañada de la mesma Beatriz Arce , que’l so proyectu, col qu’allegó a la convocatoria de les Ayudes, denominábase “Catalogación d’un patrimoniu domésticu: suelos hidráulicos”.
Frutu d’un llargu trabayu d’investigación y documentación, nel que cuntó col respaldu del Muséu del Pueblu d’Asturies, l’artista madrilana recupera na so obra patrones xeométricos que se repitíen nos vieyos suelos hidráulicos de les cases antigües, otorgándo-yos xuna nueva vida, realizando un rexistru de memoria. Como diz la creadora, “ye hora de que la sociedá recupere esti patrimoniu domésticu como una muerte cultural que rellata la hestoria d’una dómina, les sos costumes y gustos estéticos. Caltener estos suelos hidráulicos ye fundamental pa entender la nuesa identidá como comunidá, ayudar a entender quién somos y la cultura na que vivimos, según empatizar y poner en valor los elementos d’otres cultures”. Beatriz Arce retoma les coloríes figures qu’un día ocuparon los suelos de les cases, y vectorizalos, afigurándolos en distintos formatos.