Con motivu del branu, el Muséu de la Hestoria Urbana de Avilés (MHUA) y el Centru de Interpretación del Campusantu de La Carriona (CICLAC) vuelven a entamar el programa de visites empuestes a les sos instalaciones, que se van enllargar hasta’l 15 de setiembre. Nel MHUA empiecen esti 4 de xunetu y van tener llugar de martes a vienres. Nel CICLAC van ser los llunes a partir de güei 3 de xunetu.
Nel casu del MHUA van tener llugar tou los díes llaborables, de martes a vienres, a les 11:30 hores. Pa poder participar los comenenciudos van poder inscribise presencialmente n’el mesmu muséu, nel teléfonu 985 56 55 12 o na dirección de corréu electrónicu museodeavilesayto-aviles.es. Esta actividá va dar empiezu’l próximu martes, 4 de xunetu.
La visita, al igual que l’accesu al Muséu, tien un calter totalmente gratuitu. La so duración averada ye de una hora y quince minutos, el númberu máximu de persones per actividá va ser de venticinco y escepcionalmente, nel casu de coincidencia con delles visites programes pa grupos específicos (Asociaciones, colexos, etc.), van poder variar de día y hora.
Respectu al CICLAC, van realizase los llunes llaborables, tamién a les 11:30 hores. Nesti casu siempres ye necesaria inscripción previa nos teléfonos 985 56 55 12, 985 54 19 39 y museodeavilesayto-aviles.es.
Tamién con calter gratuitu, la so duración, incluyida la visita pol recintu funerariu, va ser de una hora y quince minutos, aprosimao. La primer visita programada desenvolviose esti llunes, 3 de xunetu y al igual que nel muséu trátase de actividaes totalmente gratuites.