Youtube ye la canal responsable de casi’l 40% del tráficu móvil

La plataforma de vídeos gratuitos más popular del mundu y propiedá de Google, ye la mayor destinataria de tráficu de descarga en dispositivos móviles a nivel mundial, algamando casi’l 40% del tráficu móvil.

Asina, tal que amuesa esta infografía de Statista, según l’informe The Mobile Internet Phenomena Report 2019 de Sandvine, publicáu apocayá, el 37% de los datos web descargaos van parar a esta aplicación. Sicasí, tal que amosemos nun gráficu anterior con datos de la mesma fonte, si tener en cuenta todo los tipos d’aparatos conectaos (non solo aquellos portátiles), ye Netflix la páxina web que más xigabytes absuerbe en tol mundu, con un 15% del total.

Fuente: es.statista.com