Yá tán a la venta les entraes pal XIX Conciertu pola Oficialidá organizáu pola XPDLA

19 abril 02:37 2007 Imprimir

Redacción.

La Xunta pola Defensa de la Llingua Asturiana (XPDLA) y Xunta Moza organicen pal próximu día 28 d’abril el so tradicional ‘Conciertu pola Oficialidá’, qu’esti añu llega a la so edición númberu diecinueve con un cartelu mui ambiciosu, onde apaecen los grupos y artistes asturianos de más esitu.

El conciertu va facese nel aparcamientu del estadiu Carlos Tartiere, onde va instalase una carpa xigante y dos escenarios independientes nos que van dir alternándose les actuaciones de: Tuenda, Llangres, Dulcamara, Lafu y Rebeca Velasco, Toli Morilla, Chalaneru Soundsystem, K-Nalón y Skama la Rede

El conciertu va entamar a les 19:30 y va durar más d’ocho hores ensin descansu gracies a los dos escenarios nos que van alternándose los artistes. La xornada quier sirvir pa llamar l’atención sobre’l problema llingüísticu n’Asturies. Les entraes tán a la venta al preciu de 5 euros y a 6 euros na puerta.

Más información:

  Categories:
Loading Facebook Comments ...