Yá pue vese na rede’l documental Piquinu de Sonia Fernández

25 xineru 09:44 2013 Imprimir

“Piquinu” ye un curtiu documental que tien de protagonista a un mozu del Conceyu L.lena, “al que lu acompáñen los sos perros per unu de los meyores paisaxes que tien esti país”, esplica la so directora Sonia Fernández, que conoció a esti rapaz, Aarón, nel colexu onde da clases de dibuxu, en La Pola L.lena, “ellí quedamos ablucaos, el mio collaciu d’Asturianu y yo, al lleer un rellatu que presentó Aarón pa un concursu lliterariu col tema de la montaña como exa principal”, esplica Fernández.

Aquel rellatu yera “El xabalí del Picu la Penasca” que según espliquen dexó-yos dos coses bien clares “l’amor d’Aarón pola montaña y la necesidá d’espresalo cenciella y contundentemente na so llingua materna”.

El resultáu ye esti curtiu cenciellu, nel que la voz n’off d’esti rapaz “piquinu” acompaña a les imáxenes de la so vida diaría nel pueblu de los sos güelos.

Ver el curtiu

  Article "tagged" as:
  Categories:
Loading Facebook Comments ...