Portada Sociedá Yá hai programa d’actos pal V Outono Cultural de Bual

Yá hai programa d’actos pal V Outono Cultural de Bual

by asturnet

El V Outono Cultural, organizáu pola Asociación Xuvenil Mezá, yá tien fecha y va celebrase l’8 d’avientu en Bual. Esta cita yá ye clásica dientro del panorama cultural asturianu y, nesta quinta edición, y según la organización “promete ser unes de les más enllenes d’actividaes d’estos años”. Mezá adelanta yá los que sedrán dalgunos de los conteníos d’esti festival.

Na inauguración, que celebrase na Casa da Cultura de Bual, van participar, Andrés Rodríguez Monteavaro, miembru de la organización del Outono; José Antonio Barrientos, alcalde de Bual y Xosé Antón Fernández “Ambás”, etnógrafu y presentador de televisión.

Amás, ta anunciada yá la conferencia “Gaiteiras y pandereteiros. Xénero y tresxénero na música tradicional asturiana”, a cargu del musicólogu Llorián García Flórez. Esta charra va tratar sobre los roles de xéneru na música tradicional y tien que ver cola tesis que ta faciendo esti mozu investigador xixonés.

Amás, anuncien nesta xornada la presencia del acurdionista de Bual, Alejandro Martínez Ares, ganador nel 2010 del 53u Certamen Nacional de Curdeón na categoría Senior Clásica n’Ourense, y del tríu formáu por Mapi Quintana, Jacobo de Miguel y Michael Lee Wolfe. Esti grupu de jazz que canta n’asturianu va dir a Bual a presentar el so discu Xota pa tres.

L’Outono Cultural quier como siempres “dar a conocer el nome de Bual pol mundo y pra dar un pouco de vitalidá al occidente asturiano”, según espliquen en gallego-asturianu, la llingua vehicular d’esta xornada, los responsables de la so organización.

Tamién te podria gustar