Yá hai delles candidatures pa les trés categoríes de los Premios Timón 2013

by asturnet | enero 18, 2013 5:47 am

[1]

Nel mes de payares pasáu abriérense les convocatories de los Premios Timón qu’entama l’Asociación Cultural L’Arribada. Son el VII Premiu Timón p’autores en llingua asturiana y n’eonaviegu, el IV Premio Timón p’autores asturianos en llingua castellana (pa esta edición, opten a los gallardones los escritores que ñacieren nel añu 1963 o enantes) y el I Premiu Timón de Cultura Asturiana destináu a asociaciones, sociedaes y fundaciones con llar n’Asturies que tengan como fin la conservación y promoción de la identidá cultural del país.

Les candidatures puen presentales una persona o un colectivu nes señes de corréu lletrónicu de l’asociación: larribada@gmail.com. El plazu de presentación zarrará’l día 2 de mayu a les 12 hores.

Los gallardones consisten nuna obra del escultor y ceramista xixonés Jesus Castañón pa cada premiu, y sedrán entregaos mientres la celebración de La Vagamar 2013.

Hasta agora, les candidatures presentaes son:

I Premiu Timón de Cultura Asturiana – Sociedad Humanitarios de San Martín, Fundación Belenos, Asociación Cultural San Tirso del Eo, Tertulia Cultural El Garrapiellu, Fundación Caveda y Nava y Asociación Cultural “Ensame Sidreru”.

VII Premiu Timón – Lurdes Álvarez, Pablo Ardisana, Manuel Asur, Sabel de Fausta, Esther Prieto, Miguel Rojo, Miguel Solís Santos, Xosé Bolado, Milio Rodríguez Cueto, Adolfo Camilo Díaz, Ignaciu Llope, Ismael González Arias, Taresa Lorences, Lluis Xabel Álvarez, Esther García López y Ánxel Álvarez Llano.

IV Premio Timón – Fulgencio Argüelles, Carmen Gómez Ojea, Carmen Ruiz-Tilve, Pilar Sánchez Vicente, Pepe Monteserín, Francisco Álvarez Velasco, Fernando Beltrán y Juan José Plans.

Los ganadores anteriores fueron, del Premiu Timón, Nené Losada Rico (2007), Xuan Xosé Sánchez Vicente (2008), Manuel García ‘El Galano’ (2009), Roberto González-Quevedo (2010), Vicente García Oliva (2011) y Antón García (2012); y del Premio Timón, Luis Fernández Roces (2010), Juan Méjica (2011) y Fernando Menéndez (2012).

Endnotes:
  1. [Image]: http://asturnews.com/bancofotos/fotos/2/3101.jpg

Source URL: http://asturnews.com/ya-hai-delles-candidatures-pa-les-tres-categories-de-los-premios-timon-2013/