Portada Educación Xuventú Asturianista recuerda so posición sobre asitiar la Selmana Negra en Viesques

Xuventú Asturianista recuerda so posición sobre asitiar la Selmana Negra en Viesques

by asturnet

Xuventú Asturianista recuerda esti día nun comunicçau de prensa la so posición ante la iniciativa d’asitiar la Selmana Negra nel Campus de Viesques: la mesma que l’añu pasáu.

Xuventú Asturianista, organización xuvenil del PAS, repite’l so sofitu a la Universidá d’Uviéu, yá que cree que dientro d’una cortil universitaria, nun tien cabida una actividá d’estes característiques mientres una selmana y media, denunciar l’añu pasáu y volver a faer este: Nun ye de recibu qu’un ayuntamientu ente nuna confrontación d’esti tipu con una institución académica por cabezonería y necedad pola defensa d’un supuestu certame lliterariu, que d’esto nun tien nada”.

Per otra parte, creen que “ye necesariu denunciar públicamente’l fechu que cuando les alministraciones tán retayando gastos de los sos presupuestos, la asignación municipal a esti eventu sigue creciendo”.

Pa finar, dende Xuventú Asturianista amosen el so “total sofitu a la Universidá d’Uviéu y al Colectivu d’Estudiantes contra la Selmana Negra y anunciamos que si hai movilizaciones esta organización va xunir a elles”.

Tamién te podria gustar