Portada Sociedá Xuristes pol Asturianu fai alcordanza de que la Llei d’Usu contempla la valoración del asturianu nes oposiciones

Xuristes pol Asturianu fai alcordanza de que la Llei d’Usu contempla la valoración del asturianu nes oposiciones

by asturnet

Xuristes pol Asturianu apoyó esti martes la midida anunciada pol Ayuntamientu de Cangas del Narcea de valorar la conocencia de la llingua asturiana nes oposiciones municipales dexando nidio que ye “llegal dafechu”, anque l’asturianu nun seya oficial.

Xuristes fizo alcordanza de que l’artículu cuartu de la Llei de Promoción y Usu del Asturianu diz nún de los sos puntos que “el Principáu d’Asturies va propiciar el conocimientu del bable/asturianu por tolos emplegaos públicos que desarrollen el so llabor n’Asturies; el conocimientu del bable/asturianu va poder ser valoráu nes oposiciones y concursos convocaos pol Principáu d’Asturies, cuando les característiques del puestu de trabayu y la naturaleza de les funciones que vayan a desarrollase lo requieran”. Pal presidente de l’asociación, Xurde Blanco, si’l Principáu pue facer la valoración nuna oposición, nun hai por qué quita-y de facelo a un Ayuntamientu, que vien obligáu pola mesma llei.

Tamién te podria gustar