Lliteratura Xulio Arbesú gana’l Xosefa de Xovellanos by redacción asturnews 5 d'avientu, 2016 written by redacción asturnews 5 d'avientu, 2016 68 L’escritor Xulio Arbesú yera’l ganador de la edición 2016 del premiu de narrativa en llingua asturiana Xosefa Xovellanos, que concede la Conseyería de Cultura, sigún apautaba’l xuráu nos caberos díes de payares. Xulio Arbesú consiguía’l premiu con El valor del rei, una novela histórica sobre la fuga de la corte del Rei Aurelio (qu’ocupó’l tronu d’Asturies ente 768 y 774) mientres les primeres selmanes del so reináu. La Crónica Albeldense foi la principal fonte d’inspiración d’Arbesú, de 59 años, y vecín del conceyu al que’l monarca da nome, Samartín del Rei Aurelio. L’autor fizo unes declaraciones acabante conocer la noticia nes que dexaba bien afitao que nun se «sabe casi nada» d’Aurelio y del so reináu, polo que tuvo que “tirar de ficción y d’imaxinación pa reconstruyir esta historia”. Nel mes de payares tuvieron celebrándose les reuniones de los xuraos pa fallar los 5 premios lliterarios en llingua asturiana que convoca la Conseyería d’Educación y Cultura. Luis Navazo, llevó’l Premiu «Alfonso Iglesias» de Cómic cola obra Indianu, Ana Vanessa Gutiérrez, ganó’l Premiu «Máximo Fuertes Acevedo» d’Ensayu con El paisaxe nuestru, M.ª Ángeles Carbajal, col poemariu Un vasu d’agua llogró’l Premiu «Xuan M.ª Acebal» y Adolfo Camilo Díaz foi ganador del Premiu «M.ª Josefa Canellada» de Lliteratura Infantil y Xuvenil cola obra La mar. 0 FacebookTwitterPinterestEmail Anterior Les opiniones de los escolinos nel II Plan d’Infancia van llegar hasta Naciones Xuníes siguiente Abierta la esposición fotográfica “De la tierra al oxetivu: Tinéu nel progresu d’Asturies” Tamién te podria gustar Payares acueye les XLI Xornaes Internacionales d’Estudiu de... La llangreana Beatriz Quintana gana’l premiu de narrativa... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... Falláu’l Concursu de Microrrelatos “Día del Llibru” d’Avilés Xixón yá tien los meyores cuentos d’escolares con... Alcuentru con Oliva García en XIxón Llectura siguida del Quixote en Xixón Preséntase’l llibru “Estampes d’Asturies” de Manuel Maurín Álvarez Sonia Uría gana’l concursu lliterariu ‘Ensin muyeres, nun...