Portada Fiestes Xuegos, música, teatru costumista y folclore nel Día d’Asturies en Xixón

Xuegos, música, teatru costumista y folclore nel Día d’Asturies en Xixón

by asturnet

El Cerru Santa Catalina va acoyer los actos de celebración del Día d’Asturies en Xixón, que va entamar a les doce la mañana del domingu 1 d’agostu. A les 12 la mañana va entamar un desfile tradicional dende los Xardinos de la Reina al Cerru.

Yá nel Cerru van participar de la folixa grupos de baille y bandes de gaites, como Villa de Xixón, A. de Foclore Xaréu, C. y D. Covadonga, G.F. El Xiringüelu, Los Collacios, Los Xustos o la Banda de Gaites Noega de Xixón, ente otros.

Darréu celébrense dellos concursos: Meyor Presentación de comida en prau, Meyor Cesta, Corta de tueru con hachu, carrera de llecheres, cucaña, corta n’altura, corta de tueros con tronzón y esibición de la Escuela de Deportes Tradicionales (Rana, Llave, etc.)

A les 16:30 y 19:15, va actuar Carlos Alba con “Lo tuyo ye too Cuento” . Pesllando la xornada Anabel Santiago y Héctor Braga con un conciertu, de magar les ocho y media; y una hora más tarde, la obra “Planeta Joselín; una comedia asturiana… de pura cepa”, que van interpretar Alberto Rodríguez, Jorge Moreno y David Soto.

Tamién te podria gustar