Xosé Antón Fernández ‘Ambás’ y Carmen Prieto, premios ‘Güestia’ de L.lena

15 abril 08:28 2011 Imprimir

La banda de gaites ‘Güestia’ apurre esti sábadu, a les 19,30 hores nel teatru Vital Aza, los premios ‘Güestia’ de L.lena col que se reconoz el sofitu y espardimientu a la música y tradiciones asturianes de persones ya instituciones.

Anguaño, los galardonaos son los músicos Xosé Antón Fernández ‘Ambás’, y Carmen Prieto, vecina del conceyu. Nel casu de ‘Ambás’, apúrrese-y esta reconocencia pola so vinculación al conceyu, al traviés del cancioneru vencíu del so Arquivu de Tradición Oral, con cantares que recoyó pola xeografía l.leniza. ‘Ambás’, amás de músicu, ye investigador etnomusicólogo d’Asturies. Foi l’encargáu de realizar los dos discos que dende’l Serviciu de Normalización Llingüistica de L.lena editó, cola recoyida de tradición oral del conceyu.

Carmen Prieto, pela so parte, tamién realiza un importante llabor na escoyeta y espardimientu de la música tradicional del conceyu de L.lena. Realizó una tesis doctoral (nota Cum lauden) sol títulu Música de Tradición Oral nel Conceyu de L.lena’, un trabayu d’investigación galardonáu en múltiples ocasiones y que “recueye la tradición oral del conceyu, editáu pol Muséu del Pueblu de Asturies y el Conceyu de L.lena. Tamién foi pregonera de L.lena nel añu 2008.

L’añu pasáu, estos premios recayeron nel músicu y profesor Gabino Antuña, componente del grupu Nuberu, y El Centru Asturianu Cuadonga de Vitoria. Nel actu del sábadu tamién van tar presentes l’alcalde de L.lena, Ramón Argüelles, y el conceyal de Cultura, David Suárez.

  Categories:
Loading Facebook Comments ...