Xornaes Iberoamericanes d’Educación y Cine nel edificiu históricu de la Universidá

Xornaes Iberoamericanes d’Educación y Cine nel edificiu históricu de la Universidá
11 mayu 09:07 2022 Imprimir

La conceyala d’Educación, Lourdes García, presentó esta selmana, en rueda de prensa, les Xornaes Iberoamericanes d’Educación y Cine que van desenvolvese esti xueves na Uniersidá, xuntu col director de Platino Educa, Octavio Dapena;  la vicepresidenta de ASICOM, Laura Galguera y el decanu de la Facultá de Formación, Celestino Rodríguez.

Lourdes García sorrayó qu’estes xornaes son frutu “d’una collaboración ente la conceyalía d’Educación, al traviés de les actividaes complementaries, la Universidá d’Uviéu,  al traviés  de Facultá de Formación del Profesoráu, la editorial  Egeda-Platino Educa y  l’Asociación Iberoamericana de la Comunicación (ASICOM). Esta actividá celébrase mañana xueves a les 12 na Aula Magna del Edificiu Históricu de la Universidá. Una xornada práctica pa utilizar el cine y l’audiovisual como ferramienta educativo nes aules, dirixida a profesores  y a los colexos  al traviés del programa d’actividaes complementaries”.  Y añedió que “nestes xornaes van trabayase conceutos bien importantes, como la intelixencia emocional y el pensamientu críticu al traviés del cine, entendíu ferramienta pedagóxico que puede resultar de muncha utilidá nel ámbitu educativu”.

Octavio Dapena sorrayó la importancia del cine que “amás de ser un productu d’ociu y entretenimientu que tresmite emociones ye una ferramienta bien útil pa la formación y educación. Amás, dende EGEDA, creemos  ferramientes dixitales como Platino Educa o Platino Empléu pa promover el sector audiovisual español ya iberoamericanu- Asina escoyemos les películes y facilitamos a los profesores tou el material por qu’utilicen el cine en toles materies, porque cine ye tresversal. Vamos tener les primeres xornaes n’Uviéu y al traviés de secuencies un profesor va falanos d’arte, d’hestoria, de sentimientos…”

La vicepresidenta de ASICOM, Laura Galguera, aseguró que “ye un ilusionante y gran proyectu” y estimó a tolos que lo fixeron posible “el fechu de formar parte d’esti conveniu”.

El decanu de la Facultá de Formación, Celestino Rodríguez, destacó “la gran oportunidá que supon esti conveniu, pa la facultá son tou beneficios, ye xuna gran oportunidá por tolo que’l cine puede apurrir a la educación y les sinergias que se crean”.

  Categories: