Xixón ye sede de la XXX Biañal Internacional de Cine Científicu

Xixón ye sede de la XXX Biañal Internacional de Cine Científicu
22 febreru 09:14 2021 Imprimir

Xixón ye una de les sedes de la XXX Biañal Internacional de Cine Científicu (BICC), un certame internacional que se creó en 1977 como unu de los primeros festivales dedicaos al audiovisual que se xenera dende y pa la ciencia n’España, Europa y Llatinoamérica.

Mientres trés selmanes proyectase de manera virtual les 35 obres audiovisuales finalistes que fueron escoyíes ente les más de 180 presentaes a concursu. Estes finalistes van optar a los premios nes categoríes d’investigación, desenvolvimientu ya  innovación (I+D+i) científica; divulgación científica y tecnolóxica en distintos formatos; recursos didácticos pa la formación y educación científica;  y cultura audiovisual científica pa públicos infantiles y xuveniles.

Les proyecciones puen vese dende’l día 19 de febreru y hasta’l día 12 de marzu. El certame ta entamáu pola Asociación Española de Cine ya Imaxe Científiques (ASECIC) y enmárcase nel Programa de Divulgación Científica “Xixón con Ciencia entamáu pola Fundación Municipal de Cultura, Educación y Universidá Popular del Conceyu de Xixón.

Puedes asistir online a la XXX Bienal Internacional de Cine Científicu y ver los audiovisuales finalistes dende la Sala Virtual Nº 6 “Xixón con Ciencia” na sección de la XXX Bienal dientro de la páxina web www.asecic.org,  o directamente al traviés d’esti enllaz https://www.asecic.org/events/categoria/sala-gijon-con-ciencia/ Del 19 de febreru de 2021 al 12 de marzu de 2021 De 15:00 a 23:45

Más información

  Categories: