Portada Conceyos Xixón yá tien cartelu “pa un branu distintu”

Xixón yá tien cartelu “pa un branu distintu”

by redacción asturnews

El Branu 2020 de Xixón yá tien cartelu. La imaxe, obra de la diseñadora xixonesa Noelia Pañeda (Pasaxeru 37), inclúi un chisgu a la sidra y el deséu de salú nun branu distintu» Según l’autora, «el diseñu ye una invitación a compartir, a brindar con sidra, una bébora bien social, a esfrutar del ociu nos espacios abiertos, al campu… Y el deséu de qu’esti branu haya salú para toos».

El cartelu va empezar asoleyase la próxima selmana n’estructures de moblame urbanu, comercios y locales d’hostelería, y va sirvir d’imaxe para les programaciones desenvueltes pol Departamentu de Festexos de Divertia. En próximes feches va tener llugar la presentación d’una programación intensa que se va celebrar na ciudá mientres los meses de xunetu y agostu, que va tener en cuenta los condicionamientos derivaos de la COVID-19.

La programación festivo y cultural empezó cola programación de San Xuan y San Pedro y tien continuidá cola inauguración de les esposiciones nel marcu de Metrópoli City, la celebración de la Selmana Negra, a partir del 3 de xunetu y los conciertos de La Terraza de Llaboral, qu’entamaron esta fin de selmana. La Plaza de Toros d’El Bibio tamién acoyía so primer show esti domingu 5 de xunetu, con un espectáculu d’humor programáu por Metrópoli.

Tamién te podria gustar