Portada Sociedá Xixón y Llangréu acueyen les celebraciones del Día Internacional del colecitvu GBLT

Xixón y Llangréu acueyen les celebraciones del Día Internacional del colecitvu GBLT

by asturnet

Güei, llunes 28 de xunu, y a partir de les 19:30 hores, va celebrase en Xixón l’actu políticu-institucional del «Día del Arguyu LGTB 2010», celebración internacional na que se reivindiquen los drechos del colectivu de gais, lesbianes, bisexuales y transexuales. Nel actu van intervenir fuercies polítiques, sindicales y sociales d’Asturies, y nél va dase entrega de los Premios Lladriyu Rosa, Triángulu Rosa y del XIII Concursu de Cartelos de XEGA. El llugar escoyíu ye’l Salón d’actos del Centru de Cultura Vieyu Institutu. En terminando l’actu va celebrase una manifestación “Arguyu LGBT 2010” dende la cai Xovellanos hasta la Plaza Mayor.

Al rematar la manifestación, va lleese’l Manifiestu del Arguyu 2010: “Pola igualdá trans”.

Sicasí, los actos van entamar yá pela mañana. A les 11:45 va irguise la bandera LGBT na Casa Conceyu de Llangréu. A les 12, nel Parque Dorado de Sama va celebrase una charra-alderique alredor de la orientación afectivosexual y la identidá de xéneru. Pa rematar los actos en Llangréu, va facese una Marcha Arguyu LGBT ente Sama y La Felguera.

Tamién te podria gustar