Xixón xúnese al primer Día Européu del Camín de Santiago la fin de selmana

Con motivu del primer Día Européu del Camín de Santiago, que se celebra esta próxima fin de selmana, nos díes 19 y 20, y nel que participen rexones y localidaes de seis países (Portugal, España, Francia, Holanda, Polonia y Lituania,) lo mesmo que de Asturies, Xixón xúnese a esta conmemoración con una programación d’actividaes empobinada a tolos públicos, con charra, danza, música, itinerarios, paseos, etc.

A lo llargo de los sos 1.200 años d’hestoria’l Camín de Santiago xugó un papel destacáu na creación d’una identidá común europea, al marxe de nacionalidaes o disputes polítiques y relixoses. Fenómenos como la espansión del Románicu o’l Góticu, la espansión de la urbanización o del propiu conceutu de ciudadanía, tán íntimamente amestaos a los momentos de rellumanza d’esta ruta de pelegrinación na Edá Media. Tres unos sieglos de decadencia, a mediaos del sieglu XX, coincidiendo col entamu del procesu de construcción europea, el Camín de Santiago vuelve resurdir convertíu n’una ruta que aúna valores relixosos, espirituales, culturales y de diálogu ente xentes de bien distinta procedencia xeográfica, mentalidá y estracción social. Na actualidá, son más de 80.000 los kilómetros de rutes señalizaes como xacobees nel continente, esistiendo en prácticamente tolos países europeos tramos d’esta ruta.

El Camín de Santiago foi’l primer Itinerariu Cultural Européu declaráu como tal, en 1987, Les sos principales rutes d’España y Francia fueron incluyíes na Llista del Patrimoniu Mundial de la UNESCO de manera socesiva en 1993, 1999 y 2015. Y pa resaltar la so naturaleza integradora, y a propuesta del Principáu d’Asturies, la Federación Europea encargada de xestionar el Camín de Santiago en cuantes qu’Itinerariu Cultural Européu, decidió convocar el primer Día Européu del Camín de Santiago, que se celebra la fin de selmana de’l 19-20 d’ochobre de 2019.

A tal fin, diséñase una programación conxunta d’actos a la que se sumaron rexones y localidaes de seis países (Portugal, España, Francia, Holanda, Polonia y Lituania).

Los actos previstos tienen les siguientes característiques:

– Itinerarios empuestos por tramos urbanos o rurales del Camín de Santiago, nos que s’amuesen los principales recursos patrimoniales venceyaos a la vía.
– Visites empuestes a monumentos del Camín de Santiago nes que s’amuese la vinculación de los mesmos cola ruta xacobea.
– Charres informatives sobro’l Camín de Santiago nuna localidá o conceyu.
– Xornada de llimpieza ciudadana de tramos concretos del Camín de Santiago.

Y el Conceyu de Xixón al traviés de la Fundación Municipal de Cultura, Educación y O.P. sumóse a la conmemoración del Día Européu del Camín de Santiago cola siguiente programación :

Día 18 d’ochobre, a les 19,00 hores

Charra: El Camín de Santiago de Xixón en perspectiva, como bien Patrimoniu Mundial ya Itinerariu Cultural Européu, Al
cargu de Pablo Llión Gasalla, xefe de la Unidá de Documentación del Serviciu de Protección, Caltenimientu y Espardimientu del Patrimoniu Cultural de la Conseyería de Cultura, Política Llingüística y Turismu.

Llugar: Muséu del Ferrocarril d’Asturies

Día 19 d’ochobre, de 10 a 12,00 hores

Paséu en barcu por un tramu de la ruta marítima dende’l Puertu Deportivu hasta’l Cabu de San Llorienzo

Puntu d’alcuentru: Espigón central de Fomentu. Oficina de Turismu de Xixón/Xixón.

Actividá gratuita.

La salida va facese en catamarán Inscripción previa en Infogijón. Teléfonu 985341771 infogijongijon.info Indicando nome, apellíos y númberu de teléfonu.

Númberu máximu: 12 pax.

La salida va tar condicionada a la situación meteorolóxica y de la mar..

Día 19 d’ochobre, a les 12,00 hores

Llectures bien pelegrines. Taller de llectura y creación pa públicu infantil (6 a 12 años):

Llugar: Muséu Casa Natal de Xovellanos.
Actividá gratuita.
Inscripción previa en Infogijón. Teléfonu 985341771 infogijongijon.info Indicando nome, apellíos y númberu de teléfonu..

Númberu máximu: 15 pax.

Día 19 d’ochobre, a les 19,00 hores

Conciertu ambiental homenaxe al Camín de Santiago

Grupu musical: Orquesta Céltica Asturiana

Llugar: Plaza de Xovellanos

Día 20 d’ochobre, 10,30 a 14 hores

Paséu por un tramu del Camín del Norte.
El camín del norte, alloñáu de la masificación que vive na actualidá’l camín francés, sigue siendo xuna esperiencia en soledá y en fusión con una naturaleza montascoso y fecundo de paisaxes coloristes. Propónse un paséu por un tramu d’esti camín de mariña, dende l’altu del Curviellu hasta l’antiguu hospital de pelegrinos de Gijon/Xixón en Cimavilla.

Al empiezu del percorríu apurriránse bolsa pa la recueya y llimpieza de plásticu coles mires de convertir la caminada nuna acción de “Plogging”, una nueva forma de faer exerciciu físicu combináu cola recueya de basura de plásticos.

Actividá gratuita. Númberu de places: 50
Inscripción previa en Infogijón. Teléfonu 985341771 infogijongijon.info Indicando nome, apellíos y númberu de teléfonu.

Dificultá del percorríu: baxa. Duración del percorríu: 2 hores y 30 minutos aprosimao encamiéntase llevar ropa y zapatos cómodos

Puntu d’alcuentru: Parada del autobús del Fomentín a les 10,30 hores

Día 20 d’ochobre, a les 18,00 hores

Conciertu: Dances nel Camín. Grupu Eloqventia

El grupu Eloqventia, especializáu en repertoriu medieval va ser l’encargáu de realizar intervenciones musicales en trés llugares de la parroquia de Deva: la Ilesia de San Salvador, el llavaderu y la ilesia de Peñafrancia.

Grupu musical: Eloqventia (Alejandro Villar y David Mayoral)

Puntu d’alcuentru: Ilesia de San Salvador de Deva

Actividá gratuita y al campu.
En casu d’agua nun se va anular l’actividá, pero la organización va poder modificar los llugares de realización, calteniendo la intervención de los músicos.