Xixón va sumase a la llínea d’avales de Asturgar con 4 millones d’euros

El Conceyu de Xixón va sumar a la llínea d’avales de Asturgar con cuatro millones d’euros adicionales. L’oxetivu d’esta iniciativa ye facilitar el financiamientu tantu de pequeñes y medianes empreses, como d’autónomos de la rexón, apurriéndo-yos mayor lliquidez.

El Conceyu de Xixón, al traviés de Xixón Impulsa, va sumase a la llínea d’avales habilitada por Asturgar pa PYMES y autónomos, ampliando’l financiamientu d’empreses en Xixón en cuatro millones d’euros adicionales, destinaos a empreses locales. Pa ello, el Consistoriu xixonés va apurrir un millón d’euros (el 25% de les operaciones) a esta llínea d’avales que nun van tener nin costu para les empreses y ta dotada con diez millones d’euros, a nivel rexonal.

L’oxetivu d’esta iniciativa ye facilitar el financiamientu tantu de pequeñes y medianes empreses, como d’autónomos de la rexón, apurriéndo-yos mayor lliquidez. El Consistoriu xixonés yá comunicó a Asturgar la so decisión. Esto rique l’ampliación de la llínea de la Sociedá, que previsiblemente va aprobar el miércoles de la próxima selmana, y del conseyu d’alministración de Xixón Impulsa, que se va celebrar la última selmana d’abril.