Xixón va destinar 5 millones d’euros a autónomos y micropymes

Xixón va destinar 5 millones d’euros a autónomos y micropymes
20 mayu 08:50 2020 Imprimir

El Conceyu Xixón va destinar 5 millones d’euros a autónomos y micropymes en pesllándose l’alcuerdu de concertación. En virtú d’esti alcuerdu, el Conceyu va destinar 26,8 millones d’euros pa 2020 y otros 26,2 millones pa 2021, al conxuntu de midíes a desenvolver peles árees de promoción económica, empléu y turismu.

La mesa de concertación social, integrada pol Gobiernu municipal y los axentes económicos y sociales, algamó esta selmana un alcuerdu tres trés selmanes de negociaciones per vídeu conferencia. En virtú d’esti alcuerdu, el Conceyu de Xixón va destinar 26,8 millones d’euros para 2020 y otros 26,2 millones para 2021, al conxuntu de midíes a desenvolver peles árees de promoción económica, empléu y turismu.

Nuna primer fase va ponese en marcha un paquete d’actuaciones que configuren un plan de choque destináu a apangar les consecuencies de les midíes de contención del COVID 19, ente les que destaca una convocatoria d’ayudes empobinaes a persones autónomes y micropymes nos sectores más afectaos pol cese de actividad consecuencia de la declaración del estáu d’alarma.

Esta convocatoria, dotada con 5 millones d’euros, va ponese en marcha nel mes de xunu y concrétase en dos llínees d’actuación:

1. Caltenimientu del empléu por cuenta ayena. Que’l so oxetu ye la reincorporación al trabayu de persones afectaes por un espediente de regulación temporal d’empléu (ERTE), con una ayuda de 1.500 euros per cada trabayador a xornada completa que se reincorpore al trabayu. Esta llínea ta dotada con un presupuestu de 3,5 millones, y xuna estimación de más de 2.300 trabayadores per cuenta ayena reincorporaos.

2. Reapertura del negociu o actividá económica. El so oxetu ye subvencionar los gastos causaos pola reapertura d’establecimientos o reinicio d’actividaes, baltes como gastos d’adecuación y alquisición d’elementos de protección de trabayadores y veceros, reformes y meyores nos espacios comerciales o cualesquier otru gastu acomuñáu a la reapertura d’establecimientos, o reinicio de l’actividá, que nun sía gastu de personal. La dotación d’esta llínea va ser de 1’5 millones d’euros y va poder beneficiar a 3.000 establecimientos.

Van poder acoyese a esta convocatoria persones autónomes y empreses (micropymes), que se vieren afectaes pola suspensión d’actividaes decretaes pol estáu d’alarma y que tuvieren concedíu un espediente de regulación temporal d’empléu, que vieren menguar la so facturación un 75% con al respective de la media del semestre anterior o que, daes les circunstancies, cerraren el so negociu o centru de trabayu y dean en la so reapertura.

 

  Categories: