Xixón acogerá un Eventu del Comité de les Rexones de la UE

Xixón acogerá un Eventu del Comité de les Rexones de la UE
11 agostu 18:15 2016 Imprimir

El 21 de setiembre va celebrase en Xixón l’eventu local del Comité de les Rexones “Europa, la voz de la ciudadanía”. Trátase de dos diálogos ciudadanos entamaos pol Conceyu de Xixón en collaboración col órganu européu aprovechando la xunta de la Comisión CIVEX del Comité que va tener llugar n’Uviéu’l 22 y 23 del mesmu mes.
Dambos diálogos tán abiertos a la participación de la ciudadanía pa qu’alderique colos invitaos sobre temes europees del so interés anque centraos en distintos públicos.

El primeru de los alderiques, va celebrase pela mañana y va tar centráu en mocedá y va cuntar con representantes del Comité de les Rexones, Comisión Europea, y organizaciones rexonales y locales rellacionaes colos mozos. Va Tar centráu en “Mocedá” en sentíu ampliu, tando destináu a estudiantes de bachiller, formación profesional, universitarios, mozos trabayadores y mozos polo xeneral. Va Tener llugar nel Paraninfu de la Llaboral, de 9:30 a 13:00.

Pela tarde, va celebrase l’alderique centráu na ciudadanía con representantes del Comité de les Rexones, Comisión Europea, Parlamentu Européu y el Puntu d’información estatal d’Europa colos Ciudadanos, amás de representantes de distintes organizaciones rexonales y locales. Esti alderique va xirar en redol a distintes temes d’actualidá que sían d’interés pa la ciudadanía. Va Tener llugar nel Salón d’Actos del CCAI, de 17:00 a 20:00.

L’oxetivu de dambos alderiques ye la participación de los ciudadanos y qu’haya un diálogu onde se llegue a los ciudadanos pero de la mesma qu’estos participen y comuníquense con Europa.

L’eventu enramase en collaboración col Comité de les Rexones y el Gobiernu del Principáu d’Asturies. Collaboren tamién les representaciones n’España de la Comisión Europea y el Parlamentu Européu, la Federación Asturiana de Conceyos, Europe Direct Asturies, Europe Direct Xixón, la Universidá d’Uviéu y el Conseyu de Mocedá de Xixón.