Xixón ufre dende’l 16 d’abril 1.900 places pa escolinos de trés años

Xixón ufre dende’l 16 d’abril 1.900 places pa escolinos de trés años
05 abril 10:33 2018 Imprimir

El llunes 16 d’abril ye’l día marcáu nel calendariu de mano a pidir plaza nel colexu deseyáu en Xixón y con una ufierta qu’inclui esta vegada cásique dos mil places pa escolinos de trés años.

Nel casu del segundu ciclu d’Infantil, los colexos de Xixón (públicos, alcordaos y privaos) ufierten unes 1.900 places, un cómputu global ensin variaciones con al respective de va un añu, cuando la ufierta esperimentó una fuerte tisoriada (230 places menos respectu al exerciciu precedente) atendiendo a los datos de baxa natalidá que remanaba la conseyería. El periodu de solicitú vieno demostrar que la demanda na pública foi meyor de esperar.

Por eso, magar que los datos del Institutu Nacional d’Estadística (INE) reflexen qu’en 2015 -cuando nacieron los neños de trés años- hubo 166 nacencies menos na ciudá con al respective de 2014, el departamentu de Genaro Alonso caltien 56 aules para esta edá (esto ye, 1.288 places), a les que tendrán de sumase les qu’haya nos centros con aules mistes (qu’arrexunten a neños de delles edaes).

Más información

  Categories: