Xixón ufierta 125 cursos de formación online

Xixón ufierta 125 cursos de formación online
22 abril 08:48 2020 Imprimir

El Conceyu de Xixón ufierta 125 cursos de formación online, que van dir empobinaos tantu a persones desemplegaes como a persones trabayadores n’activu que tean empadronaes en Xixón y que tengan ente 16 y 65 años.

El Conceyu de Xixón, al traviés de l’Axencia Local de Promoción Económica y Emplegu, pon en marcha’l programa de formación a distancia ‘Ameyora les tos competencies’. Son 125 cursos gratuitos online que’l so oxetivu ye arriquecer les competencies profesionales de les ciudadanes y ciudadanos por que, una vegada remate l’estáu d’alarma por COVID19, incorporar al mercáu llaboral con más conocencies y coles sos habilidaes profesionales anovaes. Por ello, ufiértense acciones formatives n’ofimática, diseñu y programación, idiomes, calidá y prevención de riesgos llaborales, marketing y vientes, recursos humanos, xestión técnica, innovación I+D, formación, mediu ambiente y enerxíes anovables.

Van empobinaos tantu a persones desemplegaes como a persones trabayadores n’activu que tean empadronaes en Xixón y que tengan ente 16 y 65 años. En casu de qu’haya más pidimientos de les que toma’l programa, va tener prioridá quien tea en situación de desempléu. El personal al serviciu de les Alministraciones Públiques nun va poder participar, sacante les persones beneficiaries de dalgún programa d’emplegu n’activu promovido pol Conceyu de Xixón.

Los cursos, que van empezar los llunes, van impartise al traviés de la plataforma Dicampus a partir del 27 d’abril. Les persones interesaes tendrán de presentar la solicitú d’inscripción na aula virtual ‘Ameyora Les tos Competencies’ habilitada nesti enllaz https://agencialocal.dicampus.es.. Puede realizase más d’un cursu pero non de forma simultánea, esto ye, una vegada rematáu un cursu como aptu puede empezar el siguiente. Al rematar cada formación, l’alumnáu va recibir un diploma acreditativu de la mesma.

Más información