Xixón Turismu espubliza na so web los ‘take away’ y agospiamientos abiertos

Xixón Turismu va incluyir nun llistáu na web www.gijonconcalidad.es a los chigres y restoranes qu’ufierten servicios de comida a casa mientres el zarru d’establecimientos hosteleros como midida preventiva énte la pandemia de la COVID-19.

Con esta iniciativa, que se va dar a conocer al traviés de les redes sociales, Xixón Turismu pretende sofitar a les empreses que se esmeran nel serviciu y que faen de la ciudá un destín turísticu de referencia y calidable. Amás, quier amosar el so compromisu con tol sector hoteleru y hosteleru.

Xixón Turismu quier poner asina en valor estes iniciatives y facilitar l’accesu a estos servicios publicando na so páxina web profesional un llistáu de los más de 60 establecimientos que tán llevando la so cocina casa por casa y aquellos que sirven comida pa llevar.

Estos restoranes tán ufiertando un serviciu bien útil pa xixoneses y xixoneses, pero tamién p’aquelles persones que se tuvieron que mover por motivos de trabayu. Pa estos usuarios y usuaries, tamién permanecen abiertos na ciudá 21 agospiamientos en servicios esenciales. El llistáu puede consultase na web de Xixón Turismu profesional.

Cualquier empresa qu’ufierte esti serviciu, puede contactar con Xixón Turismu (empresasgijon.info, tel. 639 157 343) pa incluyila nesti llistáu: https://www.gijonconcalidad.com/es/alojamientos-y-hosteleria-abiertos.