Portada Fiestes Xixón sigue col “Navibús” hasta’l 4 de xineru

Xixón sigue col “Navibús” hasta’l 4 de xineru

by redacción asturnews

Dende’l xueves, 23 d’avientu, y hasta el 4 de xineru les árees de Festexos y Turismu del Conceyu de Xixón ponen en marcha una novedosa iniciativa: el “Navibús”: bus turísticu navidiegu que lleva estos díes ufriendo un serviciu bien interesante col bon tiempu del que s’esfruta.

Dos autobuses turísticos (descapotables y vinilados pa la ocasión) van percorrer la ciudá p’amosar el llume navidiego y faer esfrutar a los sos viaxeros del animáu ambiente que vive la ciudá mientres estes feches. La entrada va ser gratuita, hasta completar aforu, y l’entamu de los percorríos va ser en Fomentín.

El primeru de los autobuses, de color naranxa, dispón de 76 places y va tener dolce paraes. Va percorrer primero cais de la zona Oeste de la ciudá, pa dirixise a El Cotu, L’Arena y zona centro. Esta llínea va operar 4 vegaes al día, mientres les tardes, de 18:00h a 22:30 hores. La duración averada del percorríu va ser de 1h y 15 minutos.

El segundu autobús, de color coloráu, va disponer de 64 places y tien 5 paraes. Va percorrer la zona centro, hasta llegar a L’Arena y tornar de nuevu al Fomentín. Esta llínea va operar 8 vegaes al día, mientres les tardes, de 18:00 h a 22:15 hores. La duración averada del percorríu va ser de 30 minutos.

El serviciu, ufiertáu por ALSA, va tar operativu sacante los díes 24 y 31 d’avientu.

L’usu del mázcaru nos buses ye obligatoriu mientres tol trayectu y en toes los sos asientos.

Tamién te podria gustar