Portada Conceyos Xixón romanu: una visita solidaria pa ochobre

Xixón romanu: una visita solidaria pa ochobre

by redacción asturnews

Los díes 12, 20 y 27 ochobre a les 12 nel Puntu d’alcuentru d’Infogijón (Puertu Deportivu) van partir les rutes ‘Xixón romanu’, la propuesta pa esti mes d’ochobre que forma parte del ciclu de visites solidaries que Xixón Turismu entama a lo llargo de 2019.

Mientres el mes d’ochobre, les buelgues que dexó esta civilización na ciudá van ser les protagonistes d’un paséu d’aprosimao dos hores. Partiendo de la Oficina d’Información Turística – Infogijón – asitiada n’El Fomentu, vamos visitar les Termes Romanes del Campu Valdés; vamos siguir ruta pol barriu de Cimavilla -onde vamos siguir el percorríu de la muralla romana y vamos asitiar un pozu que dexó captar y almacenar agües soterrañes-; y vamos terminar la visita nel Puertu Deportivu, onde vamos afayar la importancia que tuvo l’actividá pesquera naquella dómina.

‘Xixón romanu’ ye la propuesta pa esti mes d’ochobre que forma parte del ciclu de visites  solidaries que Xixón Turismu entama a lo llargo de 2019. Nesti casu, tou recaldar va destinar a la Fundación Hogar San José.

La visita realizarase los díes 12, 20 y 27 ochobre a les 12:00h y va tener un costu de 5€. Puntu Infogijón (Fomentu). Duración aprox 2 hores. Ye necesariu inscribise en Infogijón. Tel. 985 341 771 / Corréu electrónicu: infogijongijon.info.

40 visites al añu, una tema per mes. Son les visites  solidaries de Xixón Turismu, al traviés de Infogijón, a lo llargo de 2019 y que van tener distinta temática en cada mes. Tolo recaldao nes visites va donase a distintes acciones de responsabilidá social y lo recaldao nesti casu va donase a la Fundación Hogar San José.

Tamién te podria gustar