Xixón queda finalista nos premios Smart City Expo World Congress

Xixón queda finalista nos premios Smart City Expo World Congress depués de que dende va años entamara un procesu de tresformamientu dixital para llegar a convertise n’una ciudá intelixente.

Los proyectos arrexuntaos na Iniciativa Xixón_IN marquen el camín para algamar esti oxetivu, centráu na meyora de la calidá de vida de la población. Esti proyectu, qu’empecipia agora los sos pasos, tien un presupuestu total de 6,9 millones d’euros, incluyendo financiamientu esternu por importe de 4,4 millones procedente de fondos FEDER, al traviés de la entidá pública Rede.es. Otres ayudes complementaries, ente les que destaca la del Fondu Européu d’Eficiencia Enerxética, dexaron algamar un total de 28,5 millones d’euros de financiamientu esternu pa contribuyir a estos oxetivos.

Estes iniciatives llograron yá distintes reconocencies, galardones y premios concedíos por prestixoses entidaes. Apocayá incluyóse a Xixón na llista de finalistes pa los premios del Smart City Expo World Congress, onde la ciudá participa xuntu con otres 700 entidaes, ente les que s’atopen dalgunes de les mayores capitales mundiales (Nueva York, Londres, París, Berlín, Seúl, Moscú…). En concretu, Xixón figura como nomada na categoría de Premiu al Tresformamientu Dixital, al que tamién alleguen les ciudaes de Montevideo, Quito y Gaoqing (China), la provincia de Quang Ninh (Vietnam) y l’empresa Ciscu Systems. Xixón ye, xuntu con L’Hospitalet de Llobregat, xuna de les dos úniques Alministraciones locales españoles que consiguieron algamar esta fase finalista.