Portada Tecnoloxía Xixón participa nun proyectu européu pa facilitar trámites online

Xixón participa nun proyectu européu pa facilitar trámites online

by redacción asturnews

El Conceyu de Xixón participa a partir d’esti mes de febreru nel proyectu européu IMPULSE, que busca ser una ferramienta para facilitar la dixitalización del sector públicu européu nun contestu nel que los procesos dixitales son cada vez más usaos pola ciudadanía.

L’oxetivu d’esti proyectu, nel que participen 16 entidaes de nueve países distintos, ente elles, la empresa asturiana Tree Technology, ye desenvolver una tecnoloxía capaz de verificar la identidá de la ciudadanía nos procesos online de los servicios públicos de forma senciella, segura y privada.

El trabayu que van desenvolver los 16 socios d’esti consorciu va basase nel  conceutu d’Identidá Electrónica, que ye la forma que tienen los usuarios d’identificase al traviés de la rede, y va utilizar tecnoloxíes piqueres d’Intelixencia Artificial y Blockchain p’asegurar dichu procesu. La innovación d’esti proyectu céntrase precisamente na combinación d’estes dos tecnoloxíes, les más prometedores qu’esisten na actualidá p’ameyorar la xestión de la identidá dixital y l’identificación electrónica nel sector públicu.

Nel casu del Conceyu de Xixón, IMPULSE va dexar ameyorar los servicios ufiertaos a la ciudadanía cola Tarxeta Ciudadana, faciéndolos «más seguros, senciellos y fiables». IMPULSE cuenta con un financiamientu de 4 millones d’euros per parte de la Unión Europea, al traviés del programa Horizonte 2020.

Tamién te podria gustar