Portada Sociedá Xixón incorpora a les 20 persones del Plan d’Emplegu Cultural

Xixón incorpora a les 20 persones del Plan d’Emplegu Cultural

by redacción asturnews
Foto: higinio444 (https://www.flickr.com/photos/33239900@N05/)

Xixón incorpora a les 20 persones del Plan d’Emplegu Cultural, amestaes al mundu de la música, arte dramático, documentalistes o producción d’eventos.

Dientro del Plan Estraordinariu,incluyíu nel alcuerdu de concertación ‘Xixón Reinicia’ 2020/2021, incluyíase la contratación de 20 persones del ámbitu cultural, amestaes al mundu de la música, arte dramático, documentalistes o producción d’eventos, conformando una novedosa propuesta qu’asitia a Xixón como ciudá pionera nesti enfoque de los planes d’empléu municipales.

Esti plan da cumplimientu a unu de los compromisos adquiríos dientro del Plan de Choque Cultural, presentáu pol Conceyu de Xixón el pasáu mes d’abril, coles mires de desaniciar los efectos qu’esta crisis sanitaria taba xenerando nun sector, yá de por sí, precarizado.

Tratser de contrataciones mientres un añu venceyaes a distintos proyectos de la Fundación Municipal de Cultura y Divertia, para investigar sociológicamente, por casu, la evolución de los festexos mientres el sieglu pasáu, desenvolver campañes de dinamización en biblioteques y museos municipales, o la puesta en marcha de nuevos proyectos venceyaos al FICX o al Teatru Xovellanos. Les persones escoyíes roblaron ayeri vienres los sos contratos llaborales. El llunes van tener una xornada de formación na Axencia Local d’Empléu y el martes van incorporar a los sos destinos.

El Plan d’Emplegu Estraordinariu ‘Xixón Reinicia’, financiáu con fondos cien per cien municipales, amonta en 100 contrataciones les yá plantegaes, de manera ordinaria, nos planes locales d’empléu, subvencionaos pol Serviciu Públicu d’Empléu del Principáu (SEPEPA). Teniendo en cuenta estes últimes incorporaciones, ente dambos planes d’empléu hai anguaño 284 persones n’activu, desenvolviendo’l so trabayu en más de 50 ocupaciones distintes, dientro de los servicios y departamentos municipales.

Tamién te podria gustar